Попко: «Орусия Киевге баллистикалык ракеталар менен кол салды»
Киев шаардык аскер башкармалыгынын башчысы Сергей Попко администрациянын социалдык медиа эсебинен жасаган билдирүүсүндө орус армиясынын акыркы 5 күндө Киевге үчүнчү жолу ракеталык чабуул жасаганын билдирди.
Орусия бүгүн эртең менен Украинанын борбору Киевге баллистикалык ракеталар менен кол салды.
Киев шаардык аскер башкармалыгынын башчысы Сергей Попко администрациянын социалдык медиа эсебинен жасаган билдирүүсүндө орус армиясынын акыркы 5 күндө Киевге үчүнчү жолу ракеталык чабуул жасаганын билдирди.
Попко: «Душман басып алган Крым аймагынан саат 10.30 чамасында 2 баллистикалык ракета учурду. Эки ракета тең биздин абадан коргонуу системалары тарабынан жок кылынды»,- деп айтты.
Ракета сыныктары түшкөн Печерск, Соломен, Днепр жана Голосийив райондорунда кээ бир имараттардын зыянга учураганын белгилеген Попко, бири бала болгон 4 кишинин жараланганын белгиледи.
Украинанын Аскердик Аба күчтөрү командирлигинен берилген маалыматта Орусиянын 9 «Шахед» үлгүсүндөгү учкучсуз учуучу аппараты (ИДМ) менен кол салганы белгиленди.
Билдирүүдө Украинанын абадан коргонуу күчтөрү тарабынан Николаев жана Одесса аймактарынын үстүнөн 8 учкучсуз учуучу аппарат атып түшүрүлгөнү белгиленди.
Бир тараптан Украинанын түштүк коргонуу күчтөрүнүн билдирүүсүндө Орусиянын Николаев жана Одесса аймактарында ракеталар жана учкучсуз учуучу аппараттар менен кол салганы билдирилди.
Орус армиясынын Одесса аймагындагы украиналык абадан коргонуу системаларына зыян келтирүү үчүн X-31P үлгүсүндөгү зениттик ракетанын Кара деңизден атылганы билдирилип, ракетанын абада согушуу мүмкүнчүлүгүн жоготкондугу жана кол салууда жан жоготуу жана кыйроонун болбогону белгиленди.
Билдирүүдө орус армиясынын «Шахед» учкучсуз учуучу аппараттары менен бир нече толкун менен Украинага кол салганы белгиленип, Одесса жана Николаев аймактарында 4 учкучсуз учуучу аппарат атып түшүрүлгөнү ортого салынды.
Кол салууда учкучсуз учуучу аппараттын бутага жеткени белгиленген билдирүүдө, «Душман Николаев аймагындагы энергетикалык объектини атты, объекттеги өрт өрт өчүрүүчүлөр тарабынан тез арада өчүрүлдү. Окуядан эч ким жабыркаган жок»,-деп айтылды.
Билдирүүдө, Николаевде атып түшүрүлгөн учкучсуз учуучу аппараттардын тетиктеринин натыйжасында бир үй жабыркаганы, окуя болгон жерде өрт чыкканы, жарылуунун натыйжасында тегеректеги үйлөрдүн терезелери сынганы жана алгачкы аныктоо боюнча 11 адам жабыркаганы белгиленди.
Учак сыныктарынын Одесса аймагындагы бир энергетикалык мекемеге зыян келтиргени, окуя болгон жерде чыккан өрттүн облус борборунун бир бөлүгү жана айланасындагы калктуу конуштарда электр энергиясынын үзгүлтүккө учурашына себеп болгону айтылды.
