АКШ аскерлери ПКК мүчөлөрү менен Нооруз иш-чараларына катышты

Сириянын Хасеке жана Халеб облустарында террордук уюм ПККнын символу болгон чүпөрөктөр ачылган Нооруз иш-чараларына америкалык аскерлер катышты.

Уюмга жакын социалдык медиа эсептериндеги билдирүүлөргө караганда, АКШ аскерлери Халебдин Айнулараб районунда жана Хасекенин Дерик районунда өткөрүлгөн Нооруз иш-чараларына катышты.

Эки райондо тең өткөрүлгөн иш-чарада ПКК/ЙПГ тарапкерлери лидер Абдуллах Өжаландын афишасы менен террор уюму ПККны символдоштурган сары, жашыл жана кызыл түстөгү жылдыздар түшүрүлгөн чүпөрөктөрдү ачышты.

Социалдык медиа эсептеринде жарыяланган видеодо америкалык аял аскердин Дериктеги иш-чарада ПКК/ЙПГ колдонгон түстөгү жака кооздуктарын тагынганы көрүнүп турат.