Польшада дыйкандар нааразычылык акциясына чыгышты

Польшада Европа Биримдигинин айыл  - чарба саясаттары менен Украинадан арзан дан жана азык  - түлүк импортуна нааразы болгон дыйкандар борбор шаар  Варшавага баруучу жолдорду тосушту.

Польшанын маалымат каражаттарында орун алган кабарларга караганда, болжол менен 70 миң дыйкан катышкан кеңири масштабдуу нааразычылык акциясы айыл чарба министри Чеслав Сиэкиерски менен дыйкан топторунун сүйлөшүүлөрүнөн эч кандай жыйынтык чыкпагандан кийин башталды.

Украинадан арзан дан жана азык-түлүк импорту жана Европа Биримдигинин айыл чарба саясаттарына реакция кылган он миңдеген дыйкан, Варшавага баруучу жолдор менен кошо болжол менен 600 башка жерге тосмолорду куруп, жолдорду унаа кыймылына жабылышына себеп болду.

Польшада дыйкандар 6 - мартта Варшавадагы премьер-министрлик кеңсесинин алдында митинг өткөрүшкөн.

Украинадан арзан дан жана азык-түлүк импортун токтотуу үчүн Польша-Украина чек арасынын жабылышын талап кылган дыйкандар Европа Биримдигинин жашыл жана экологиялык таза саясаты менен Европада айыл чарбаны жок кылып   жатканын жактап,  Польшанын Европа Биримдигинин  "Жашыл келишим" программасынан чыгышын каалаган.

Башта Германия, Франция, Италия, Испания, Нидерландия, Бельгия, Польша, Венгрия жана Греция сыяктуу Евробиримдиктин көптөгөн өлкөлөрүнүн дыйкандары жакында ишке ашырылган айыл чарба саясаттарына реакция кылууда.