Камакка алынган палестиналыктардын саны
7-октябрдан бери Батыш Шериа жана Чыгыш Кудста палестиналыктарды кармоо, рейд жана кол салуулар көбөйдү.
Израиль аскерлери 7-октябрдан бери Батыш Шериа жана Чыгыш Кудста 7700 палестиналыкты камакка алды.
Палестиналык туткундар коому менен Палестинаны боштондукка чыгаруу уюмуна караштуу Туткундар жана эркиндикке чыккандар делегациянын биргелешкен билдирүүсүндө, Израиль күчтөрүнүн Батыш Шериа жана Чыгыш Кудска рейддери тууралуу маалымат берилди.
Израиль аскерлеринин оккупациядагы Батыш Шериа жана Чыгыш Кудуста палестиналыктардын үйлөрүнө тинтүү жүргүзүп, дагы 30га жакын кишини камакка алганы белгиленди.
Рейд жана камоолордун Батыш Шериадагы Хеврон, Тулкерим, Наблус, Рамалла жана Ерихо шаарлары менен басып алынган Чыгыш Кудсту да камтыганы маалымдалды.
Кармалгандардын арасында бир аял жана мурда бошотулган палестиналыктардын да бар экени айтылды.
Израиль армиясынын Газа тилкесине кол салуусун баштаган 7-октябрдан бери Батыш Шериа жана Чыгыш Кудста палестиналыктарды кармоо, рейд жана кол салуулар көбөйдү.
