Медведев: «Германия Орусия менен согушууга даярданып жатат»

Орусиянын Коопсуздук кеңешинин төрагасынын орун басары Дмитрий Медведев Германия Орусия менен согушууга даярданып жатканын билдирди.

Медведев социалдык медиа эсебинен, Германиянын аба күчтөрүнүн офицерлеринин «Таурус» ракеталары менен Украинага колдоо көрсөтүү максатында Крым көпүрөсүн кыйрата алабы деген сүйлөшүүлөрдүн аудио жазуусунун ачыкка чыгышына байланыштуу билдирүү жасады.

Германиянын канцлери Олаф Шольцтун бул сүйлөшүүлөрдөн кабары бар-жокпу эч ким билбегенин жактаган Медведев, (Герман офицерлери) эгерде алар муну түшүнбөсө жана ал мындай буйрук бербесе да, жарандык башкаруучулардын атынан согуш баштоону чечкен же үндөгөн көптөгөн мисалдар тарыхта бар экенин айтты.

Медведев: «(Герман офицерлери) Шольцко келип, мындай дешет: «Урматтуу канцлер, Украинада ракета атып түшүрүлдү. Анын түрүнө жана багытына караганда ал Берлинге учуп бараткан.» Шольц эмне деп жооп берет? Бул так эле түшүнүктүү. Ошондуктан, бундесвердин (Германиянын куралдуу күчтөрүнүн) офицерлеринин чыгып сүйлөгөн сөздөрүн ракеталар жана танк оюну катарында көрсөтүү аракети кара санатай калп. Германия Орусия менен согушка даярданууда»,-деп айтты.

Russia Today (RT) гезитинин башкы редактору Маргарита Симонян немис офицерлеринин 30 мүнөттүк аудио жазуусун жарыялаган.

Аудио жазууда Германиянын аба күчтөрүнүн жогорку рангадагы кызматкерлери «Taurus» ракеталары Орусия тарабынан мыйзамсыз аннексияланган Крым жарым аралында курулган Крым көпүрөсүн техникалык жактан талкалай алабы же жокпу, талкуулап жатканы орун алган.