Ачкачылык менен күрөшкөн газалыктар демонстрацияга чыгышты

Израиль блокадасын күчөткөн жана кол салууларын 4 айдан ашык уланткан Газа тилкесинин түндүгүндө ондогон палестиналык Израилдин кол салууларын токтотуу жана аймакка гуманитардык жардам жеткирүү үчүн демонстрация өткөрүштү.

Каардуу эл Газанын түндүгүндөгү ачкачылык жана суусуздук өкүм сүргөн, негизги муктаждыктар жетишсиз болгон, Израиль армиясынын тоскоолдугунан улам гуманитардык жардам жеткирилбеген Жибалия качкындар лагеринде көчөгө чыгып, «Тамак жейбиз», «Жашагыбыз келет», «Эл бир кап ун каалайт» деген ураандарды чакырышты..

Демонстранттар Израилдин 7-октябрдан бери күчөткөн блокадасынын натыйжасында аймактагы тамак-аш жана суу жетишсиздигине көңүл буруу үчүн көтөргөн казандарды уруп ызы-чуу чыгарышты.

Палестиналык Юнус Абу Верде: «Эл жашагысы келет, курчоодо, тамак-аш жок, суу жок, нан жок. Адамдар малдын жемин жеп жатат жана дүйнөнүн башка өлкөлөрүндөй тамактангысы келет»,-деди.

Демонстранттар Газа тилкесинин түндүгүндө ишке ашырылып жаткан, адамдарды малдын жеми менен тамактанууга мажбурлаган блокаданы алып салууну талап кылды.

Израил 7-октябрдан бери болжол менен 2,3 миллион палестиналык жашаган Газа тилкесине абадан, кургактыктан жана деңизден кол салууларын улантууда.

Кол салуулардан улам көбү аялдар жана балдардан турган 29 миң 195 палестиналык каза болуп, 69 миң 170 палестиналык жаракат алды.

Израиль армиясынын чабуулдары да Газадагы 1,9 миллион палестиналыкты жер которууга аргасыз кылды. Израиль жараткан кыйынчылыктардан улам аймакка жетиштүү жардам жеткирилбей жатат. Палестиналыктар бир тараптан Израилдин кол салуулары менен, экинчи тараптан күн сайын тереңдеп бараткан ачарчылык менен күрөшүп жатышат.

Бириккен Улуттар Уюму (БУУ) Израилдин катуу чабуулуна кабылган Газа тилкесинде 2,2 миллион кишинин ачарчылык коркунучу алдында турганын эскерткен эле.

Газа тилкесиндеги курч азык-түлүк коопсуздугу Дүйнөлүк Саламаттыкты сактоо Уюму тарабынан «орчундуу» деп аныкталган 15 пайыздык босогодон ашып, 16,2 пайызга көтөрүлдү.