Боррель өлкөлөрдү Израилге курал-жарак экспортун токтотууга чакырды
Жозеп Боррель Бельгиянын борбор шаары Брюсселде Европа Биримдиги өлкөлөрүнүн өнүгүү министрлеринин расмий эмес жыйынынан кийин сөз сүйлөдү.
Европа Биримдигинин (ЕБ) тышкы иштер жана коопсуздук саясаты боюнча жогорку өкүлү Жозеп Боррель, Израилдин Газага кол салууларында жарандардын каза болушуна реакция кылып, мүчө мамлекеттерди бул өлкөгө курал экспортун токтотууга чакырды.
Жозеп Боррель Бельгиянын борбор шаары Брюсселде Европа Биримдиги өлкөлөрүнүн өнүгүү министрлеринин расмий эмес жыйынынан кийин сөз сүйлөдү.
Боррель Газада жарандык жоготуулардын көбөйүшүнө каршылык көрсөткөн өлкөлөргө чакырып салып: «Эгерде өтө көп адамдын өлтүрүлгөнүнө ишенсеңиздер анда ушунча көп адамдын өлүмүнө жол бербөө үчүн (Израилге) азыраак курал беришиңиз керек. Баары Тель-Авивге барып "Мындай кылбаңыз, карапайым калкты коргоңуз, антпеңиз! "Мынчалык көп адамдарды өлтүрбөңүз" деп жалбарып жатышат. Бирок (Израилдин премьер-министри Беньямин) Нетаньяху эч кимди укпай жатат" деди.
Израилдин Рафах аймагына кол салуу планы тууралуу да сөз сүйлөгөн Боррель: «Элдер эвакуацияланат имиш. Кайда, Айгабы? Бул адамдарды кайда эвакуациялашат? Эл аралык коомчулук мунун көптөгөн адамдардын өмүрүн ала турган кыргын болоруна ишенет. Балким (Израилге берген) курал-жарактары жөнүндө ойлонуулары керек. Өлкөлөр "Өтө көп адам өлүп жатат, сураныч, элди коргогула, ушунча адамды өлтүрбөгүлө" деп айтып жатышат. "Суранам" бул сөздөрдү айтуунун ордуна бир нерсе кылгыла»,-деди.
Хамастын аскердик канаты Кассам бригадалары 7-октябрда Израилге каршы «Акса топону» деп аталган кеңири чабуулун баштаганын жарыялаган.
Буга жооп иретинде Израиль армиясы да Газа тилкесине каршы «Темир кылычтар» операциясын баштаганын кабарлаган.
Күчөгөн ңыңалууда көбү балдар 29 миңге жакын палестиналык каза болду.
