Австрияда дыйкандар митингге чыгышты

Австриянын борбор шаары Венада ашыкча оңчул Австрия эркиндик партиясы  уюштурган митингде дыйкандар өкмөттүн айыл чарба саясаттарына каршылык көрсөттү.

Премьер-министрлик имаратынын алдында болгон митингге тракторлору менен келген айрым митингчилер  чыгымдардын көбөйүшүнө, Европа Биримдигинен  тышкаркы өлкөлөрдөн арзан баада импорттолгон продукциялардан келип чыккан конкуренция маселеси,  акыркы эки жылда аткарылып жаткан климаттык салык жана катуу текшерүүлөрдөн тынчсыздануулар да билдирилди. 

Ашыкча оңчул Австрия  эркиндик партиясынын өкүлдөрү да сөз сүйлөгөн митингде өкмөткө каршы ураан чакырылды. 

Ошол эле учурда Австрия дыйкандар биримдиги  ашыкча оңчул Австрия эркиндик партиясынын жакындап келе жаткан шайлоодун алдында дыйкандарды саясат үчүн колдонууну каалагандыгын жана ушул себептен митингге колдоо бербей тургандыгын жарыялады. 

Биримдик Германияга салыштырмалуу Австрияда дыйкандардын саясатта өкүлчүлүк кылып жаткандыгын ортого салды. Германияда дыйкандар субсидиялардын кыскарышынан улам кеңири катышуу болгон митингдерди уюштурган.