Газада каза тапкандардын саны көбөйүүдө
Израиль армиясынын кечээ кечинде Газа тилкесинин ар кайсы жерлерине жасаган аба соккуларында көп сандаган палестиналык каза болуп, жаракат алды.
Газа тилкесинде 7-октябрдан бери Израилдин кол салууларынан каза болгон палестиналыктардын саны 7 миң 112си бала, 4 миң 885и аял жалпы 17 миң 177ге жетти.
Израиль армиясынын кечээ кечинде Газа тилкесинин ар кайсы жерлерине жасаган аба соккуларында көп сандаган палестиналык каза болуп, жаракат алды.
Палестинанын расмий кабар агенттиги WAFAнын маалыматына караганда, Газа шаарынын чыгышындагы Эш-Шукайя районуна Израиль учактары тарабынан жасалган абадан кол салууда көп сандаган киши каза тапты жана жарадар болду.
Израиль армиясы Газа тилкесиндеги көптөгөн аймактарга, өзгөчө Хан Юнус, Рефах жана шаардын түштүк тарабына карай абадан жана кургактыктан кол салууларын улантууда.
Аль-Акса каналынын Telegram баракчасындагы билдирүүдө, Газа Ислам университетинин окутуучусу Рафет аль-Арирдин Израилдин кол салууларында каза болгондугу белгиленди.
Газа өкмөтүнөн берилген маалыматка караганда, 7-октябрдан бери Израилдин Газа тилкесиндеги кол салууларында каза болгон палестиналыктардын саны 7 миң 112си бала, 4 миң 885и аял жалпы 17 миң 177ге жетти.
7-октябрдан бери оккупацияланган Батыш Шериада жана Кудста да Израиль күчтөрү менен жөөт отурукташкандардын кол салууларынан 265 палестиналык каза болду.
