Кытай космос станциясына жаңы тайконавт экипажын жөнөттү

Кытайдын Жер орбитасында курган Тиенгонг (Асман сарайы) космос станциясында кызмат кыла турган 6-тайконавт тобу жолго чыкты.

Кытайдын Адам башкарылган космостук программасы боюнча агенттигинин (CMSA) билдирүүсүнө караганда, тайконавттар Тан Хонгбо, Тан Шинжи жана Цзян Шинлинди ташыган Шинкоу-17 космос кемеси Гоби чөлүндөгү Цючуэн спутник борборунан Long March 2F менен учурулду.

Ракетадан 10 мүнөттөн кийин бөлүнгөн капсуланын пландалган орбитага киргени билдирилди.

Космос станциясына бүгүн жеткенден кийин тайконавттар тобу 30-майда Шинкоу-16 шаттл менен станцияга жөнөтүлгөн жана 5 айдан бери нөөмөттө турган 3 тайконавтты өткөрүп беришет.