Иран: Байден эскертүү эмес, өтүнүч катын жөнөттү
Иран президентинин аппаратынын саясий иштер боюнча орун басары Мохаммед Жамшиди X социалдык медиа платформасында жасаган билдирүүсүндө алар АКШнын президенти Байденден «эскертүү» эмес, «өтүнүч» билдирүүлөрүн алышканын айтты.
Иран Америка Кошмо Штаттарынын (АКШ) президенти Жо Байдендин Ирандын диний лидери Аятолла Али Хаменеиге аймактагы америкалык аскерлерге каршы кол салууларга байланыштуу эскертүү билдирүүсүн жибергенин айткан сөздөрүнүн чындыкка дал келбестигин жактады.
Иран президентинин аппаратынын саясий иштер боюнча орун басары Мохаммед Жамшиди X социалдык медиа платформасында жасаган билдирүүсүндө алар АКШнын президенти Байденден «эскертүү» эмес, «өтүнүч» билдирүүлөрүн алышканын айтты.
Жемшиди АКШ башкаруусу берген билдирүүлөрдүн Жо Байден айткандай Хаменеиге багытталган эмес экенин белгилеп: «АКШнын билдирүүлөрү революциялык лидерге багытталган эмес жана алардын Ирандан талаптары өтүнүчтөрүнөн башка эч нерсе болгон эмес. Эгер Байден Иранды эскертип жатат деп ойлосо, ал өзүнүн командасынан билдирүүлөрдүн текстин көрсөтүүнү суранышы керек»,-деп айтты.
Иран колдогон Ливандагы Хизболлах уюму 8-октябрдагы билдирүүсүндө Израилдин Газа тилкесине жасаган кол салууларына каршы палестиналык топтордун жанында экенин жарыялады.
Андан соң Ливандын түштүк чек арасында Хизболлах менен Израиль армиясынын ортосунда өз ара кагылышуулар башталды.
Бул окуялар менен бир убакта Сирия жана Ирактагы Иран колдогон куралдуу топтор Хизбуллах менен Хамасты колдой турганын жарыялашты жана АКШ согушка кийлигишсе Ирак менен Сириядагы буталарына сокку уруларын айтышты.
Коркутуулардан кийин Ирак жана Сириядагы америкалык базаларга ракеталар жана учкучсуз учуучу аппараттар менен чабуул жасалды.
АКШнын президенти Байден кечээ Вашингтондо Австралиянын премьер-министри Энтони Албанез менен биргелешкен маалымат жыйын өткөрүп: «Мен Аятолланы эскерттим, эгерде алар биздин аскерлерге каршы ушундай аракеттерди уланта беришсе, биз жооп беребиз жана алар буга даяр болушу керек»,-деди.
