ДССУ: "Учурдагы Ковид-19 вакциналары коопсуз"

Дүйнөлүк Саламаттыкты сактоо Уюму (ДССУ) учурдагы жаңы типтеги коронавируска (Covid-19) каршы вакциналардын коопсуз жана эффективдүү бойдон экенин билдирди.

ДССУнун башкы директору Тедрос Аданом Гебреисус ДССУнун жумалык пресс-конференциясында актуалдуу саламаттык сактоо маселелерине баа берди.

Түндүк жарым шарда кыш мезгилинин алдында Ковид-19га байланыштуу тынчсыздандырган тенденцияларды көрүүнү улантып жатышканын белгилеген Гебреисус, акыркы 28 күндө айрыкча Европа менен АКШда Ковид-19дан улам ооруканага жана реанимацияга жаткырылгандардын санынын көбөйгөнүн айтты.

Гебреисус Ковид-19га каршы эмдөөнүн эң көп коркунучу бар адамдар үчүн төмөн бойдон экенин, дүйнө калкынын 2/3ү вакцинанын биринчи дозасын сайдырганын, бирок 1/3 гана кошумча дозаны алганын айтты.

«Ковид-19 эки жыл мурункудай курч кризис болушу мүмкүн эмес, бирок биз аны көрмөксөнгө саларыбызды билдирбейт» деген Гебреисус, өлкөлөрдүн Ковид-19 менен күрөшүү үчүн көп инвестиция салганын жана бул жаатта чараларды улантуулары керектигин баса белгиледи.

ДССУнун Ковид-19 менен күрөшүү боюнча техникалык комитетинин лидери Мария Ван Керхове да «Жаңы варианттар үчүн жаңы эмдөө программалары керекпи?" деген суроого жооп катары, Covid-19дун кеңири таралган жаңы варианттары болгон EG.5.1 (Eris), XBB.1.5 жана BA.2.86нын (Pirola) оордук деңгээлинде эч кандай өзгөрүү байкалбаганын айтты.

Ковид-19га каршы көрүлгөн чаралардын ишке жараганын баса белгилеген Керхове: «Учурдагы Ковид-19 вакциналары коопсуз жана натыйжалуу болуп, олуттуу оорулардын жана өлүмдөрдүн алдын алууда»,- деди.