Түрк куткаруу топтору кечээ Дернедеги урандыдан бир үй - бүлөгү чыгарды

Селден улам 6 миң киши каза болгон Ливиянын чыгышындагы Өкүлдөр парламенти дайындаган өкмөттүн ички иштер министрлигине караштуу Чукул абалдар комитетинин катчысы Велид  ел  -  Урфи түрк издөө -  куткаруу топторунун кечээ кечинде Дернеде бир үй  -  бүлөнү куткаргандыгын айтты. 

Үй  - бүлө мүчөлөрүнүн бирөөсүнн түрк куткаруу топторуна кабар бергенин билдирген Урфи түрк тобунун аракети менен бардык үй  - бүлө мүчөлөрүнүн урандыдан куткарылгандыгын билдирди. 

Бир тараптан Өкүлдөр парламенти дайындаган өкмөттүн саламаттыкты сактоо министрлиги издөө -  куткаруу топторунун сел апаатынан  96сааттан кийин эки кишини куткаргандыгын жарыялады. 

Ливиялык издөө - куткаруу топторунун апааттан 96 сааттан кийин 26 жаштагы Небил Мансур Сүлейман менен  34 жаштагы Рамазан ел  -  Фейтурини урандыдан тирүү чыгаргандыгы белгиленди. 

Билдирүүдө куткарылгандардын саламаттыгынын туруктуу экени, Дернедеги талаа ооруканасында экени белгиленди.

Борбордук Жер Ортолук деңизинде катуу болгон жана 10 - сентябрда Ливиянын чыгышында болгон «Даниел» бороону Бенгази, Бейда, Марж, Сусе жана Дерна шаарларында селге себеп болду.

Ливиянын Улуттук Биримдик Өкмөтү сел апаатында 6 миң кишинин каза болгонун, миңдеген кишинин дайынсыз жоголгондугун жарыялаган.

Сауд Арабия борбору болгон  Al Arabiya телеканалы Ливиянын Кызыл Жарым Айына шилтеме берип, каза болгондордун саны 11 миңден ашканын, 20 миңге жакын адамдын  дайынсыз экендигин жарыялады.