Данияда кечээ дагы Куранга каршы кол салуулар болду
Даниянын борбору Копенгаген шаарында исламга каршы жана ашынган улутчул «Danske Patrioter (Даниялык патриоттор)» тобунун мүчөлөрү Түркиянын Копенгагендеги элчилигинин алдында Куранды өрттөштү.
Данияда кечээ дагы Куранга каршы кол салуулар болду.
Даниянын борбору Копенгаген шаарында исламга каршы жана ашынган улутчул «Danske Patrioter (Даниялык патриоттор)» тобунун мүчөлөрү Түркиянын Копенгагендеги элчилигинин алдында Куранды өрттөштү.
Исламга акаарат келтирген ураандарды чакырган топтун мүчөлөрү бул көз ирмемдерди социалдык тармактарда түз эфирде бөлүшүштү.
Автору Даниянын тышкы иштер министри Ларс Лөкке Расмуссен экени айтылган китепти да өрттөгөн топ, андан соң Ирак, Египет жана Сауд Арабия элчиликтеринин алдында Куранды өрттөштү.
Дүйшөмбү күнү Куранга кол салууларды кароо үчүн Ислам Кызматташтык Уюмунун (ИКУ) Тышкы иштер министрлеринин 18-кезексиз жыйыны өтүп жаткан убакта Дания жана Швецияда да Куранга кол салуулар болду.
Даниянын тышкы иштер министри Ларс Лөкке Расмуссен ИКУ жыйынынын чечимин эске алгандарын билдирген.
Расмуссен: «ИКУ жана мүчө мамлекеттер менен өз ара урматтоонун негизинде тыгыз диалогду улантабыз. Дания жакында Курани Каримдин өрттөлүшүн айыптады жана сөз эркиндигинин алкагында өзгөчө кырдаалдарга кийлигишүү мүмкүнчүлүгүн изилдеп жатат»,-деп айтты.
Акыркы кезде Швеция жана Данияда Куранга каршы кол салуулар күчөп жатканда, бул провокацияларга уруксат берүү каршы чыгууларды туудурууда.
