Германия Түркия-Европа Биримдиги карым-катнаштары үчүн демилге көтөрөт

Германиянын президент Режеп Таййип Эрдогандын кайра шайланышынан кийин Түркия менен Европа Биримдигинин (ЕБ) ортосундагы саясий диалогду жандандыруу жана ар түрдүү тармактарда кызматташуу варианттарын баалоо үчүн кадам таштаары белгиленди.

Бельгиянын борбор шаары Брюсселде 29-30-июнь күндөрү өткөрүлө турган ЕБ лидерлер саммитине баа берген Германиянын премьер-министрлигинин булактарынан алынган маалыматка караганда саммитте Украина жана иммиграция темалары лидерлердин күн тартибинде болот.

Лидерлер Европа Биримдиги-Түркия карым-катнаштарын жана Кипрдеги чечим аракетин да талкуулашат.

Өкмөткө жакын булактардан алынган маалыматка караганда Германия саммитте Түркия боюнча жаңы бир баалоо процессинин башталышын, Европа Комиссиясы жана Жогорку Өкүлдөн Түркия менен кызматташуу варианттары боюнча жаңы сунуштарды даярдап лидерлерге сунуштоосун талап кылат. Түркия менен карым-катнаштардын Германия үчүн маанилүү экенин белгилеген булактар, соода, коопсуздук жана миграция саясаттары менен жалпы геостратегиялык абалда маанилүү өнөктөш болгон Түркиянын мындан ары да ушул бойдон кала берерин белгилешти.

Маалымат булактары Түркия, Греция жана Түштүк Кипр Рум Башкаруучулугундагы шайлоолордон кийин Кипр маселесине байланыштуу Бириккен Улуттар Уюмунун (БУУ) жол башчылыгындагы процесстин жанданышын бир мүмкүнчүлүк катары көрүшсө да, бул теманын Европа Кеңешинин акыркы декларациясында орун ала турганын жана ЕБ бул сүйлөшүүлөрдү колдой турганын айтышты.

Маалымат булактары Германиянын өткөн айда Түркияда болгон шайлоодон кийин Европа Биримдиги-Түркия карым-катнаштарын кайрадан күн тартибине алып келерин, бул темада бардык тиешелүү тараптар саясий эрк көрсөтсө карым-катнаштарды жанданта турган кадамдардын колдоого алынаарын белгилеген.

Түркиянын Сирия, Иран, Ирак жана Армения сыяктуу коңшулары менен абдан маанилүү бир аймакта жайгашканын эске салган маалымат булактары ушул себептен Түркия менен эки тараптуу гана эмес, ЕБ тарап жогорку деңгээлдеги жана жакын диалогдун зарыл болорун баса белгилешти.