Судандагы ички кагылышуу уланып жатат
Армия менен Ыкчам колдоо күчтөрү баш калаанын түндүгүндөгү Бахри менен түштүктөгү кээ бир аймактарда жеңил жана оор куралдар менен кагылышты.
Судандын борбор шаары Хартумдун түндүгүндө жана түштүгүндө армия менен Ыкчам колдоо күчтөрүнүн ортосунда катуу кагылышуулар болуп жатат.
Өлкөдө апрель айынын орто ченинде эки аскерий күчтүн ортосунда чыккан ички кагылышуу, эл аралык коомчулуктун ок атышпоо чакырыктарына жана санкция коркутууларына карабастан 59 күндөн бери уланууда.
Армия менен Ыкчам колдоо күчтөрү баш калаанын түндүгүндөгү Бахри менен түштүктөгү кээ бир аймактарда жеңил жана оор куралдар менен кагылышты.
Аймактын жашоочулары, замбирек менен жардыруунун үндөрү угулуп, жалын жана түтүн көтөрүлүп жаткан шаардын асманында согуштук учактардын байкалганын билдиришти.
Күбөлөрдүн айтымында, армиянын согуштук учактары борбор шаардын жанындагы кээ бир райондордо жана негизги көчөлөрдө жайгашкан Ыкчам колдоо күчтөрүнө караштуу бөлүктөрдү бутага алды.
Судандагы кризис үчүн АКШ жана Сауд Арабия баштаган сүйлөшүүлөр жыйынтыксыз болуп, ок атышпоо келишимдери бир канча жолу бузулган.
