ДССУ: "Африкада 33 миллион бала 2025-жылга чейин эмделиши керек"

Дүйнөлүк саламаттыкты сактоо уюму (ДССУ) Африкада 33 миллион баланын 2025-жылга чейин кызамык, менингит, дифтерия, полиомиелит жана сары безгек сыяктуу ооруларга каршы эмделиши керектигин билдирди.

ДССУнун Африка боюнча директору Матшидисо Моети континентте эмдөө иштерин көбөйтүү зарылдыгына көңүл бурду.

Жугуштуу оорулардын жайылып жатканын кабарлаган Моети, 2025-жылга чейин 33 миллион баланын кызамык, менингит, дифтерия, полиомиелит, сары безгек сыяктуу ооруларга каршы эмделиши керектигин айтты.

Ковид-19 пандемиясынын эмдөө аракеттерин үзгүлтүккө учуратканын билдирген Моети, көптөгөн балдардын эмделе албагандыктан каза болгонун белгиледи.

Өкмөттөргө чакырык салган Моети, балдарды коргоо үчүн зарыл чараларды көрүү керектигине басым жасады.