Паркинсонду эрте аныктоо үчүн жаңы ыкма

Америкалык окумуштуулар паркинсон оорусунун белгилери байкала электе диагноз коюуга жана дарылоону тездетүүгө жардам бере турган жаңы ыкманы иштеп чыгышты.

Lancet Neurology журналында жарыяланган изилдөөгө ылайык, альфа-синуклеиндин үрөнүн күчөтүү тести (alphaSyn-SAA) деп аталган ыкма ооруга жакын  адамдарды так аныктай алат.

Изилдөөлөрдүн паркинсон оорусуна эрте диагноз коюуга жана дарылоого жардам берери белгиленди.

Ооруну аныктоо кыйын, анткени учурда атайын текшерүү жок. Белгилери бир нече башка ооруларга окшош болгондуктан, туура эмес диагноз коюу мүмкүнчүлүгү пайда болушу мүмкүн.

Дүйнө жүзүндө акыркы 25 жылда Паркинсон оорусу эки эсеге көбөйүп, 10 миллионго жакын адам бул оору менен ооруйт.