Россия континенттер аралык машыгуу өткөрдү

Россия Новосибирск аймагында 3 миң кызматкер жана континенттер аралык «Ярс» баллистикалык ракета системалары менен машыгуу өткөрдү.

Россиянын Коргоо министрлигинен берилген маалыматта : ««Ярс» континенттер аралык ракеталык жана ракеталык системалары менен жабдылган Новосибирск ракеталык бөлүгү менен командалык-штабдык машыгуу өткөрүлүүдө. Машыгууга 3000ден ашуун аскер жана 300гө жакын техника катышты»,- деп билдирилди.

«Ярс» ракеталарынын аралыгы 11-12 миң километр экендиги белгилүү.

Алгачкы жолу 2010-жылы чыгарылган ракеталык система биринчи жолу 2007-жылы сыноодон өткөн.