Шойгу: «Биздин объектилерге 3 учкучсуз учуучу аппарат менен кол салышты»

Орусиянын коргоо министри Сергей Шойгу үч учкучсуз учуучу аппарат Крым жарым аралындагы Севастополдо армиянын объектилерине чабуул жасаганын билдирди.

Шойгу борбор калаа Москвада министрликте жооптуу кызматкерлер менен болгон жолугушууда Крымда Севастополдогу аскердик объектилерге учкучсуз учуучу аппараттар ​​менен сокку урууга аракет кылынганын белгилеп: «3 учкучсуз учуучу аппараттын баары жок кылынды»,-деди.

2 учкучсуз учуучу аппараттын 2 аял аскер тарабынан жок кылынганын белгилеген Шойгу, сөз болгон аскерлерге сыйлык берилиши үчүн көрсөтмө берди.

Аскердик аба күчтөрүн өнүктүрүүдөгү приоритеттердин бири катары аскерлерди абадан коргонуу жана ракетадан коргонуу системалары менен жабдуу экенин белгилеген Шойгу, быйыл Москвада ракетадан коргонуу системасын модернизациялоону аяктай турганын билдирди.

Орусиянын Аскердик аба жана космос күчтөрүнүн муктаждыктары үчүн 621 аскердик инфраструктура объектисин да бүтүрө тургандарын белгилеген Шойгу, мамлекеттик куралдануу программасына ылайык жылдын аягына чейин Авиация жана космос күчтөрүнүн заманбап курал түрлөрүнүн үлүшү 85 пайызга жете турганын белгиледи.

Америка Кошмо Штаттарынын (АКШ) Орусия менен Кытайды көзөмөлдөө үчүн Азия-Тынч океан аймагындагы аскердик катышуусун олуттуу түрдө көбөйткөнүн, союздаштары менен саясий жана аскердик байланыштарын бекемдегенин белгилеген Шойгу, чөлкөмдө Американын жаңы коопсуздук архитектурасынын курулушунун уланып жатканына көңүл бурду.