Венесуэлада жер көчкү жана сел жүрдү
Жер көчкү жана селде каза болгондордун саны 50гө жетти.
Венесуэланын Арагуа штатында 8-октябрда жааган жамгырдан улам болгон жер көчкү жана селде каза болгондордун саны 50гө жетти. Жарандардын коопсуздугу жана тынчтыгы боюнча вице-президент Ремигио Себальос Лчасо билдирүүсүндө Лас-Тежериаста издөө-куткаруу иштеринин үзгүлтүксүз уланып жатканын айтты. Апаатта каза болгондордун санынын 50гө жеткенин билдирген Лчасо канчалык узакка созулса да издөө-куткаруу иштеринин улана турганын айтты.
Лчасо : "Боливар Улуттук Куралдуу Күчтөрүнүн колдоосу менен 3200 киши жана 30 техника менен урандыларды тазалоо иштери уланууда. Тамак-аш, суу, билим берүү, ден соолук, психологиялык колдоо жана эң негизгиси президентибиз Николас Мадуронун көрсөтмөлөрү менен эл үчүн бардыгы жасалууда",- деди.
12-октябрда апаат болгон аймакка барган президент Мадуро трагедиянын чоңдугуна көңүл буруп, каза болгондордун саны 100гө жетиши мүмкүн экенин билдирген.
Венесуэланын айрым аймактарында Ла-Нинадагы аба ырайынын таасири менен жаан-чачын нормадан жогору болууда.
Акыркы 2 аптада нөшөрлөп жааган жамгыр жана анын кесепетинен болгон кырсыктан улам өлкөдө 3 күндүк “улуттук аза күтүү” жарыяланды.
Тектеш кабарлар
АКШдагы катуу шамалдын кесепети
Шамалдын айынан Оклахома штатында 1 адам каза болуп, көп сандаган адам жаракат алды.