Орусиянын жоготуулары

Украинага кол салган орус армиясынын 12 миңден ашуун аскерин жоготкондугу билдирилди.

Украинанын Башкы штабы, орус армиясынын 24-февралдан 7-мартка чейинки жоготууларына байланыштуу көрсөткүчтөрдү жарыялады.

Буга ылайык орус армиясынын 12 миңден ашуун жоокери набыт болуп, орустарга таандык 48 учак, 80 тик учак, 303 танк, 1036 бронетехника, 120 замбирек, 56 ракета аткыч системасы жана 27 абадан коргонуу системасы жок кылынды.

Орус күчтөрү ошондой эле 474 унаасын, 3 жеңил ылдамдыктагы кайыгын, 60 күйүүчү май ташыган унаасын жана 7 учкучсуз учуучу аппаратын жоготту.

Украинанын Коргоо министрлигинин чалгындоо башкармалыгы да Харьковго жакын жердеги кагылышууда Орусиянын 41-армиясынын командиринин орун басары жана штабдын башчысы генерал-майор Виталий Герасимовдун каза болгонун билдирди.

2-Чеченстан согушуна, Сириядагы операцияларга жана Крымдын басып алынышына катышканы белгиленген Герасимовдун Украинада каза болгон Орусиянын экинчи улуу даражалуу командири болгону белгиленди.

41-армиянын командиринин орун басары, генерал-майор Андрей Суховецкий да украин аскерлеринин колунан каза тапкан.

Орус аскерлери 24-февралда Украинага чабуул баштаган болчу.