Байден европалык лидерлер менен сүйлөштү
Телеконференция 1 саат 19 мүнөткө созулду.
1791399
Америка Кошмо Штаттарынын (АКШ) президенти Жо Байден Франция, Германия жана Британиянын лидерлери менен телеконференция өткөрүп, анда Орусия-Украина согушундагы акыркы абал жана Орусияга киргизилген санкцияларды талкуулашты.
Ак үйдүн жазуу түрүндөгү билдирүүсүнө караганда Байден Франциянын президенти Эммануэль Макрон, Германиянын канцлери Олаф Шольц жана Британиянын премьер-министри Борис Жонсон менен 1 саат 19 мүнөткө созулган телеконференция сүйлөшүүсүн өткөрдү.
Сүйлөшүүдө лидерлер Орусия-Украина согушундагы акыркы кырдаалды жана Орусияга киргизилген санкцияларды талкуулашты.
Орус аскерлери 24-февралда Украинага чабуул баштаган болчу.
