Пайдасыз тамак - аш экологияга да зыян келтирет

Эксперттер көп жылдар бою гамбургер, фри, пицца сыяктуу тамак - аштардын ден соолукка тийгизген зыянына көңүлдөрдү бурушууда.

Австралия менен Жаңы Зеландия илимпоздорунун изилдөөсүнө караганда кайра иштетилген, канттуу, майлуу жана куурулган тамактар ​​да экологияга да зыян келтирүүдө.

Изилдөө үчүн тамак  - аш өндүрүү процесстеринин экологияга тийгизген таасири тууралуу 20 илимий эмгектин маалыматтары колдонулду. Адамдын ден соолугу үчүн зыяндуу экендиги белгиленген тамак  - аштардын экология жана климаттын өзгөрүшүнө тескери таасирин тийгизгендиги байкалды.

Мындай тамак  - аштарды өндүрүү процессинде башка тамак  - аштарга караганда дагы көп парник газын чыгарууга жол ачууда. Кайрадан иштетилген тамак  - аштардын пакеттелишинде колдонулган материалдар да жаратылышта метан загын чыгарууда. Тамак - аш керектөө дүйнөлүк көмүр кычкыл газынын төрттөн бир бөлүгүн түзөт.

Жаңы Зеландиянын маалыматтарына ылайык, эт, деңиз азыктары жана жумурткадан жасалган тамак-аш өндүрүшү бардык азык-түлүк эмиссиясынын 35 пайызын түзөт.

Кондитердик азыктар сыяктуу кайра иштетилген тамактар ​​да көмүртектин интенсивдүү чыгарылышын шарттайт.

Адамдын ден соолугун жана экологияны коргоо үчүн пайдалуу тамак  - аштарды колдонууну сунуш кылган адистер, антпесе дүйнө калкынын азык - түлүккө болгон муктаждыгы канааттандырылбай, климаттык каатчылык мындан да жаман өлчөмгө жетиши мүмкүн экенин эскертишүүдө.