Россия жаныбарлар үчүн коронавируска каршы вакцина чыгарды

Россиянын Федерал ветеринардык жана фитосанитардык көзөмөлдөө кызматынын директорунун орун басары Константин Савенков (Россельхознадзор)  жаныбарлар үчүн чыгарган  Ковид  -19 вакцинасынын тастыкталгандыгын  жарыялады.

Вакцинанын Россельхознадзорго караштуу федералдык жаныбарлардын ден соолугун коргоо борбору тарабынан чыгарылгандыгын белгилеген Савенков : «Үй жаныбарлары үчүн «Карнивак -  Ков» вакцинасы тастыкталды»,- деп билдирди.

Вакцинанын клиникалык экспериментинин 2020 -  жылы октябрь айында башталгандыгын айткан Савенков эксперимент үчүн ит, мышык, түлкү жана түрдүү жаныбарлардын колдонулгандыгын белгиледи.

Савенков  вакцинанын жаныбарлар үчүн зыянсыз экендигин айтып : «Эксперименттин негизинде эмделген бардык жаныбарларда коронавируска каршы 100 пайыз антитело пайда болду»,- деди.

Вакцинанын массалык өндүрүшү апрель айында башталышы мүмкүн экендигин айткан Савенков  вакцинага башка мамлекеттердин дагы кызыгып жаткандыгын билдирди.

Савенков Ковид – 19  эпидемиясынын башынан бери өлкөдө мышыктарда 2 учурдун катталгандыгын белгиледи.