Зеленский: «Азербайжандын аймактык бүтүндүгүн колдойбуз»

Украинанын президенти Владимир Зеленский, Азербайжандын аймактык бүтүндүгүн жана эгемендүүлүгүн колдойбуз деп билдирди.

Зеленский Черновцы облусунда өткөргөн маалымат жыйынында Армения менен Азербайжанды диалогго чакырды.

Акыркы 2 жылда Азербайжан менен болгон мамилеси артыкчылыктуу болгонун белгилеген Зеленский:

«Азербайжан биздин аймактык бүтүндүгүбүздү жана эгемендигибизди ар дайым колдогондой эле, биз дагы Азербайжандын аймактык бүтүндүгүн жана эгемендүүлүгүн колдойбуз»,-деп айтты.

Зеленский Азербайжан менен Армениянын ортосундагы кризистин "тоңуп калган" жаңжалга айланып кетишинин алдын алуу керек жана көйгөйлөр тез арада чечилиши керек деп билдирди.