Израиль армиясынын кол салуулары
Кол салууда 6 палестиналык жараланды.
Израиль полициясынын кечээ кечки сааттарда басып алынган Чыгыш Кудстагы Эски Шаар аймагынын Дамаск каалгасында чогулган палестиналык жаштарга кол салуусунда 6 палестиналык жараланды.
Израиль полициясы Месжид - и Аксада окулган тараву намазынан кийин Дамаск каалгасынын маңдайындагы тепкчитерде отууруну каалаган палестиналык жаштарга пластикалык ок жана үн бомбалары менен кол салды.
Палестина Кызылайынан берилген маалыматта : «Баскынчы мамлекеттин күчтөрү менен Дамаск каалгасында чыккан кагылышууда 6 палестиналык жараланды»,- деп билдирилди.
Маалыматта жаралуулардан экөөсүнүн окуя болгон жерде дарылангандыгы, төртөөсүнүн болсо ооруканага жаткарылгандыгы белгиленди. Бир тараптан Израиль башкаруусу палестиналык балыкчылардын Газа жээгине жакын аң уулоого тыюу салууну жоюу чечимин чыгарды.
Газадагы палестиналык балыкчылар профсоюзунун төрагасы Низар Аййаш Израиль башкаруусунун өткөн ишемби күнү балыкчыларга карата тыюу салуунун жоюлгандыгын жана Газанын түндүгүндө 6, түштүктө болсо 12 милдик аралыкта аң уулай аларын белгиледи.
Израиль армиясы жуманын акырында Газага карата баштаган кол салуулардан улам Керм Эбу Салим жана Бейт Ханун чек ара каалгаларын жаап, балыкчылардын да Газа жээктеринде балык кармоосуна тыюу салган.
