Корея жарым аралында согуш чыгып кетиши мүмкүн
Түндүк Корея менен АКШнын ортосундагы каяша айтышуу да күчөп баратат.
![Корея жарым аралында согуш чыгып кетиши мүмкүн](http://cdn.trt.net.tr/images/xlarge/rectangle/3dae/e160/42b6/58eda1e7da245.jpg?time=1718585639)
Корея жарым аралында чыңалуу күчөп баратканда Түндүк Корея менен АКШнын ортосундагы каяша айтышуу да күчөп баратат.
АКШнын вице-президенти Майк Пенс: «Түндүк Кореяга көрсөтүлгөн стратегиялык сабырдуулук соңуна чыкты»,-деди.
Түндүк Кореядан жооп кечиккен жок. Түндүк Кореянын БУУдагы туруктуу өкүлүнүн орун басары Ким Ын Рён: «АКШ Корея жарым аралындагы чыңалууну күчөтүп жатат. Термоядролук согуш башталып кетиши мүмкүн. Түндүк Корея, АКШ каалагандай түрдө согушка жооп берүүгө даяр»,-деди.
Ким, айрыкча БУУнун коопсуздук кеңешинде 28-апрелде Түндүк Кореянын атомдук программасына байланыштуу атайын жыйналыш өткөрүү чечимин да сынга алды.
Ким Ын Рён: «Кеңештин апрель айынын жетекчилигин милдеттенген АКШ, бул жоопкерчилигин кыянаттыкка колдонууда. АКШ гангстер түшүнүгү менен эгемендүү өлкөлөргө кийлигишип жатат»,-деди.
Түндүк Кореянын БУУдагы туруктуу өкүлүнүн орун басары Ким, аскердик коркунучтарга каршы куралданууну уланата тургандарын жана атомдук сыноолорун уланта тургандарын да айтты.