Ұлыбритания мен Германия арасында Судан дағдарысы

Ұлыбританияның демалыс күндері Хартум қаласындағы елшілік қызметкерлерін эвакуациялау операциясының басқа ЕО елдерінің өз азаматтарын құтқару процесін кешіктіргені алға тартылды.

Ұлыбританияның BBC телеарнасына сұхбат берген жоғары лауазымды неміс ақпарат көздері Судан армиясының рұқсатынсыз британ күштерінің Суданға әскер әкелгенін мәлімдеді.

Сол кезде басқа еуропалық елдер өз азаматтарын Суданнан аман-есен эвакуациялауға тырысқанда, Германия басқа еуропалық елдер сияқты Хартумның солтүстігіндегі әуежайды пайдалануды жоспарлап жатқан көрінеді.

Бірақ Германияның саяси көздері «Ұлыбританияның бұрын хабарланбаған әскери болмысының» Судан армиясын ашуландырып, эвакуациялау үшін әуежайға кіруіне тыйым салынғанын атап көрсетті.

Британ әскерлерінің Суданға рұқсатсыз келгені себепті елден қайтып бара жатқанда  Судан армиясына өтемақы төлеуге мәжбүр болды. Әуежайды пайдалану жөніндегі келіссөздерге байланысты Германия өте қиын бір кезеңде кем дегенде жарты күн жоғалтты.

Ұлыбритания Қорғаныс министрлігі эвакуациялаудың кешігуіне кінәлі деген айыптауларды жоққа шығарды.

Германия Судандағы эвакуациялау операциясын сәтті аяқтады. 700-ден астам адам 6 ұшақпен эвакуацияланды. Бұл адамдардың 200-ге жуығы неміс азаматтар болса, қалғандар Ұлыбританияны қосқанда 30 елдің азаматтары болып табылады. Хартумның солтүстігіндегі әуежайды қазір Ұлыбритания эвакуациялау операциялары үшін пайдаланады.