Израильден  Ливанға әуеден соққы

 
    Израиль армиясы Ливанның оңтүстігіндегі көптеген нүктеге әуеден соққы берді. Куәгерлердің айтуынша Израиль армиясының әуе шабуылында бірнеше нүкте нысанаға алынған. Шабуыл салдарынан Ливанның оңтүстігіндегі кейбір аймақтардан түтіннің көтерілгені айтылды.
    Израиль армиясы Хизбулланың атысқа дайын 30 зымыран платформасы мен 150 зымыран тасығышын нысанаға алғанын хабарлады.
    Израиль Ливанның оңтүстігіндегі әртүрлі аймақтарда Хизбулланың инфрақұрылымы мен қару-жарақ қоймаларына да соққы беріп, артиллериялық бөлімшелерінің Накура аймағына шабуыл жасағаны хабарланды.
    Израиль-Ливан шекарасында 8 қазаннан бері тараптар арасында қақтығыстар жалғасуда.