მკურნალობა ბუნებრივი მეთოდებით 55 - 2023

მკურნალობა ბუნებრივი მეთოდებით 55-2022-2023

გადაცემა მომზადებულია ექიმ, მეჰმეთ უჩარის მიერ

რა ეფექტი აქვს საუზმეს ჯანმრთელობისთვის

ალბათ ყველაზე მნიშვნელოვანი სარგებელი არის ის, რომ საუზმე აძლიერებს მეტაბოლიზმს, გეხმარებათ მეტი კალორიის დაწვაში მთელი დღის განმავლობაში. გზავნილი, რომელსაც თქვენი სხეული იღებს საუზმის გამოტოვებისას არის ის, რომ მან უნდა შეინახოს მიღებული კალორიები დაწვის ნაცვლად.

კვლევამ აჩვენა, რომ ადამიანებს, რომლებიც ტოვებენ საუზმეს, აქვთ სხეულის მასის უფრო მაღალი ინდექსი, მიუხედავად იმისა, რომ ისინი იღებენ ნაკლებ კალორიას დღის განმავლობაში.

კვლევებმა აჩვენა დღის საუზმით დაწყების სხვადასხვა სასარგებლო თვისებები:

• ნაკლები წონა,
• ნაკლები ცხიმის მოხმარება მთელი დღის განმავლობაში,
• კალციუმის მაღალი დღიური მიღება,
• ბოჭკოს უფრო მაღალი დღიური მიღება,
• უკეთესი პერფორმანსი. (მეხსიერება და ყურადღება) (სასკოლო ასაკის ბავშვებისთვის)
• თუ დილას დაიწყებთ ჯანსაღი, დამაკმაყოფილებელი კვებით, სავარაუდოდ, მიირთმევ ნაკლები საკვებ პროდუქტებს მთელი დღის განმავლობაში.

დაბალანსებული საუზმე იძლევა ენერგიას

უპირველეს ყოვლისა, ვინც საუზმეს გამოტოვებს, დღის განმავლობაში ფიზიკურად ნაკლებად აქტურია და მათი ენერგეტიკული ხარჯი მცირდება. რაც უფრო იკლებია ჩვენს მიერ დახარჯული ენერგია, უფრო რთულია წონის დაკლება. ორგანიზმი, რომელიც დიდი ხნის განმავლობაში შიმშილობს, შემდეგ კვებაზე მიღებულ საკვებს ცხიმად გარდაქმნის და ინახავს მას. ამ უარყოფითი შედეგების თავიდან ასაცილებლად, აუცილებლად მიირთვით გაღვიძებიდან 1 საათის განმავლობაში.

ადამიანები, რომლებიც საუზმობენ, დილით ფიზიკურად უფრო აქტიურები არიან, ვიდრე ისინი, ვინც არ საუზმობენ. ამის მიზეზი შეიძლება იყოს ის, რომ დილით ჭამა ეხმარება ადამიანებს დღის მეტი ენერგიით დაწყებაში.

ადამიანები, რომლებიც საუზმობენ, მოიხმარენ უფრო მეტ კალორიას მთელი დღის განმავლობაში, ვიდრე ისინი, ვინც საუზმეს გამოტოვებენ, მაგრამ ისინი არ იმატებენ წონაში, რადგან უფრო აქტიურები არიან.

გაღვიძებისას საუზმით საჭირო ენერგიის მიღებით ფიზიკურად და ფსიქოლოგიურად უკეთ ვგრძნობთ თავს. მიუხედავად იმისა, რომ ადამიანები, რომლებიც არ საუზმობენ, განიცდიან დაღლილობას, სისუსტეს, კონცენტრაციის ნაკლებობას, სისხლში შაქრის დაქვეითებას და უძილობას მთელი დღის განმავლობაში, ისინი კი, ვინც საუზმობენ, უფრო ენერგიულები არიან. გარდა ამისა, ადამიანები, რომლებიც არ საუზმობენ, უფრო ადვილად იღებენ დღის განმავლობაში ცხიმისა და შაქრის მაღალი შემცველობის მქონე საკვებს, ხოლო ვინც საუზმობს, უკეთ აკონტროლებს მადას.

მას შეუძლია დაიცვას თქვენი გული

ადამიანები, რომლებიც არ საუზმობენ, უფრო მეტად განიცდიან გულის დაავადებებს, ვიდრე ისინი, ვინც საუზმობს. კვლევებმა აჩვენა, რომ ადამიანები, რომლებიც გამოტოვებენ საუზმეს, იმატებენ წონაში, რამაც შეიძლება გამოიწვიოს დიაბეტი, მაღალი ქოლესტერინი და მაღალი წნევა და ამან შეიძლება გაზარდოს გულის დაავადებების რისკი.

ადამიანები, რომლებიც გამოტოვებენ საუზმეს, დღის განმავლობაში უფრო მეტს ჭამენ.

მეხსიერებისა და ყურადღებისთვის

საუზმის მიღებას ისეთი ეფექტი აქვს, როგორიცაა კონცენტრაციის გაუმჯობესება, ყურადღების გაფანტვის თავიდან აცილება და მეხსიერების გაძლიერება. ის აუმჯობესებს სწავლას ტვინისთვის საჭირო ენერგიის მიწოდებით. როდესაც საუზმეს არ მიირთმევენ, გახანგრძლივებული შიმშილი იწვევს სისხლში შაქრის დაქვეითებას ყველაზე დაბალ დონეზე და არ მიეწოდება საკმარისი გლუკოზის რაოდენობა ტვინს. ეს იწვევს კონცენტრაციის, ეფექტურობის დაქვეითებას და პროდუქტიულობის შემცირებას.

საუზმეს შეუძლია გააუმჯობესოს მეხსიერება, კონცენტრაცია, ინფორმაციის დამუშავების სიჩქარე, მსჯელობა, სწავლა და ლაპარაკი როგორც მოზრდილებში, ასევე ბავშვებში.

მას შეუძლია შეამციროს დიაბეტის რისკი

ადრეული საუზმე დაგეხმარებათ თავიდან აიცილოთ სისხლში შაქრის რყევები, რამაც შეიძლება გამოიწვიოს დიაბეტი.

კვლევამ აჩვენა, რომ ადამიანებში, რომლებიც საუზმობენ, უფრო დაბალია დიაბეტის განვითარების რისკი. ადამიანები, რომლებიც ტოვებენ საუზმეს, აქვთ ჭამის შემდეგ შაქრისა და ინსულინის უფრო მაღალი დონე, ხოლო საუზმის გამოტოვება ამცირებს ინსულინის მგრძნობელობას. ამავდროულად, ადამიანები, რომლებიც გამოტოვებენ საუზმეს, უფრო ხშირად გრძნობენ შიმშილს და ჭარბად ჭამენ დღის განმავლობაში. ეს მდგომარეობა არღვევს შაქრის მეტაბოლიზმს. ამან კი ასევე შეიძლება გამოიწვიოს დიაბეტი.

შეიძლება დაეხმაროს თმის ცვენასთან ბრძოლას

საუზმის გამოტოვებამ შეიძლება გაზარდოს თმის ცვენის შანსები. ცილებით მდიდარი საუზმე კვებავს თმას და ხელს უწყობს თმის ჯანსაღ ზრდას.

შეიძლება დაგეხმაროთ თავის ტკივილთან და შაკიკთან ბრძოლაში

საუზმის გამოტოვებამ შეიძლება გამოიწვიოს თავის ტკივილი და შაკიკი სისხლში შაქრის დაბალი დონის გამო. საუზმის გამოტოვება იწვევს შაკიკს.

ბოჭკოების მიღება

საუზმე შესანიშნავი დროა დიდი რაოდენობით ხსნადი ბოჭკოების მისაღებად.

უკეთესი განწყობა

ჯანსაღი საუზმე აუმჯობესებს განწყობას. კვლევის თანახმად, დილის საუზმე ღამის ძილის შემდეგ ავსებს თქვენი ტვინის შაქრის მარაგს. ადამიანების უმეტესობა, ალბათ, უფრო ბედნიერი და ნაკლებად გაბრაზებული იქნება თუ ისაუზმებს.

როგორი საუზმე?

იმისათვის, რომ ვისარგებლოთ საუზმის დადებითი ეფექტით მაქსიმალურ დონეზე მოერიდეთ ცხიმიან პროდუქტებს. ამის ნაცვლად, იცოდეთ, რომ საუკეთესო საუზმე შედგება ისეთი საკვებისგან, როგორიცაა მთლიანი მარცვლეულის პური, ყველი, კვერცხი, პომიდორი, კიტრი, ზეთისხილი ან ნიგოზი.