მკურნალობა ბუნებრივი მეთოდებით 53 - 2023

მკურნალობა ბუნებრივი მეთოდებით 53 – 2022-2023

ჩვენი დღევანდელი გადაცემის თემაა ცაცხვის სასარგებლო თვისებები

ცაცხვი ჩვენს ცხოვრებას თავისი უნიკალური სურნელით მატებს ჯანმრთელობას. სწორი მომზადებით და მოხმარებით შეგვიძლია ვისარგებლოთ მისი ყველა სასარგელო თვისებით.

შეუძლია შეამციროს ანთება

ცაცხვი მაღალი ანტიოქსიდანტური თვისებების მქონე მცენარეა. ამ ანტიოქსიდანტებს შორის ასევე არის აქტიური ნივთიერება, რომელიც ეფექტურია ანთების საწინააღმდეგოდ, განსაკუთრებით გულსა და გულ-სისხლძარღვთა სისტემაში. ეს არის სხვა ანტიოქსიდანტები, რომლებიც გვხვდება ცაცხვის ჩაიში და ებრძვიან თავისუფალ რადიკალებს და ხელს უშლიან ორგანიზმში ანთებას. ამ ანტიოქსიდანტების წყალობით, ცაცხვის ჩაი დაგეხმარებათ თავიდან აიცილოთ ანთებით გამოწვეული ქრონიკული დაავადებები.

შეუძლია შეამციროს მსუბუქი ტკივილი

ცაცხვის ჩაი შეიცავს ნივთიერებებს, რომლებიც ამსუბუქებს ტკივილს. ეს ნივთიერებები შესაძლოა დაგეხმაროთ

• თავის ტკივილის

• კუნთის სპაზმების,

• სახსრების ტკივილის,

• მენსტრუალური ტკივილის შემსუბუქებაში.

შეუძლია შეამსუბუქოს შფოთვის დონე

ცაცხვის ჩაი ხელს უწყობს შფოთვის დონის შემცირებას. იგი უზრუნველყოფს დამშვიდებას შემდეგნაირად;

• ის ბაძავს ქიმიურ მჟავას, რომელსაც აქვს დამამშვიდებელი ეფექტი თავის ტვინში ნერვულ სისტემაზე.

• შეიძლება ჰქონდეს უმნიშვნელო გავლენა ჰორმონების დონეზე და ხელი შეუწყოს რელაქსაციას.

ითვლება, რომ განწყობის ცვალებად და ქრონიკული სტრესის მქონე ადამიანებს შეუძლიათ შვება იპოვონ თბილი ერთი ჭიქა ცაცხვის ჩაით.

შეიძლება ხელი შეუწყოს მაღალი არტერიული წნევის დაქვეითებას

ცაცხვის ჩაი შეიცავს ნივთიერებებს, რომლებიც ხელს უწყობენ სისხლძარღვების გაფართოებას და არტერიული წნევის დაწევას.

შეიძლება ხელი შეუწყოს გულის ჯანმრთელობას

მასში შემავალი აქტიური ნივთიერებები ხელს უწყობს გულ-სისხლძარღვთა სისტემის გაუმჯობესებას. მას შეუძლია გავლენა მოახდინოს გულში კალციუმის არხებზე, რომლებიც ხელს უწყობენ კუნთების შეკუმშვის რეგულირებას.

შეიძლება გააუმჯობესოს ძილის ხარისხი

ცაცხვის ჩაის მცენარეულმა ნაერთებმა შეიძლება გამოავლინოს დამამშვიდებელი თვისებები, რაც ზრდის ძილის ხარისხს. ამ გზით, თქვენ შეგიძლიათ გაიღვიძოთ უფრო ენერგიულად.

შეიძლება კარგი იყოს საჭმლის მონელებისთვის

უძველესი დროიდან ცაცხვის ჩაი მიეკუთვნება მცენარეულ ჩაის, რომელიც გამოიყენება საჭმლის მონელებისთვის ხელის შესაწყობად. ცაცხვის ჩაის ამ ეფექტის მიზეზები ეფუძნება:

• სითბოს და ტენიანობის არსებობას, რომელიც ამშვიდებს საჭმლის ვერ მონელებას,

• ფუნქციებს, რომლებიც დაგეხმარებათ კუჭის დისკომფორტის შემსუბუქებაში,

• ისეთ თვისებებს, რომლებიც დაგეხმარებათ ნაწლავებში სპაზმების მოხსნაში და ჭარბი გაზით გამოწვეული პრობლემების შემსუბუქებაში.

ხსნის გაციების სიმპტომებს

კვლევის თანახმად, ცაცხვის ჩაის ექსტრაქტებს შეიძლება ჰქონდეს ისეთი თვისებები, რომლებიც ამცირებს გაციების მქონე ბავშვებში ყურის ინფექციით გამოწვეული გართულებების რისკს. ცაცხვის ჩაის ნაერთებს შეუძლიათ გაათავისუფლონ დაძაბულობა კუნთებში და გააძლიერონ სისხლის მიმოქცევა და ასევე ჩააცხრონ ყელის ტკივილი.

შეიძლება ხელი შეუწყოს შარდდენას

ითვლება, რომ ცაცხვის ხის შიდა ქერქს აქვს შარდმდენი და დიაფორეზული ეფექტი.

გამოიყენება ღვიძლისა და ნაღვლის ბუშტის დარღვევებისა და ცელულიტის დროს (კანისა და მიმდებარე რბილი ქსოვილების ანთება).

ის შეიძლება გამოყენებულ იქნას პერორალურად ნაწლავის დარღვევების სამკურნალოდ და ადგილობრივად ქვედა ფეხის შეშუპების ან ინფექციის (როგორიცაა ცელულიტი ან წყლული) სამკურნალოდ.

როგორ მოვიხმაროთ ცაცხვი?

ცაცხვს მოიხმარენ განსაკუთრებით ზამთრის თვეებში ზედა სასუნთქი გზების ინფექციებისადმი დადებითი ეფექტის გამო. თუმცა ცაცხვის მოხმარებისთვის რომელიმე თვის ლოდინი არ არის საჭირო. თუ სხვა თვეებში გააგრძელებთ ცაცხვის მოხმარებას, შეგიძლიათ მეტად ისარგებლოთ ცაცხვის სასარგებლო თვისებებით. რა თქმა უნდა, ისევე როგორც სხვა ყველაფერი, ცაცხვიც არ უნდა მიოიხმაროთ ზედმეტად. საკმარისია დღეში 2-4 ჭიქის მიღება.

ცაცხვის მოხმარებისას მას შაქარი არ დაუმატოთ.

როგორ მოვამზადოთ ცაცხვი?

ცაცხვის ჩაის ხარშვის დრო ძალიან მნიშვნელოვანია. მიუხედავად იმისა, რომ ხანგრძლივად მოხარშული ცაცხვის ფერი და სუნი უკეთესია, მასში არსებული სასარგებლო ნივთიერებები მცირდება, ქრება და ქმნის ტოქსიკურ ეფექტს.

ამ სურნელოვანი ყვავილის ერთი მწიკვი ჩაყარეთ მდუღარე წყალში და გააჩერეთ მაქსიმუმ 7-8 წუთის განმავლობაში. 7-8 წუთის შემდეგ თქვენი ცაცხვის ჩაი მზად არის დასალევად.

გარეცხეთ ცაცხვი, რომელიც ღია ფორმით იყიდება.

არსებობს ალერგიული რეაქციის რისკი ცაცხვის მოხმარებით. ორსულობისა და ლაქტაციის პერიოდში ქალებმა, გულის დაავადებების მქონე პირებმა თავი უნდა შეიკავონ ცაცხვის ჩაის დალევისგან. გარდა ამისა, ადამიანებმა, რომლებიც იყენებენ წამლებს, უნდა ჰკითხონ რჩევა ექიმს ცაცხვის ჩაის მიღებამდე, რადგან იგი შესაძლოა ურთიერთქმედებაში შევიდეს ზოგიერთ მედიკამენტთან.