მკურნალობა  ბუნებრივი მეთოდებით 19 – 2023

მკურნალობა  ბუნებრივი მეთოდებით 19 – 2022-2023

ჩვენი დღევანდელი გადაცემის თემაა: კივის სასარგებლო თვისებები

გადაცემა მომზადებულია ექიმ მეჰმეთ უჩარის მიერ

ანტიოქსიდანტებით მდიდარი კივი შეიცავს C ვიტამინს, დიეტურ ბოჭკოებს და აუცილებელ საკვებ ღირებულებებს. შეიცავს 92,7 მგ C ვიტამინს. გარდა ამისა, შეიცავს კალციუმს, რკინას, მაგნიუმს, ფოსფორს, კალიუმს.

• ეხმარება ასთმით დაავადებულებს

კივი, რომელიც ძალიან მდიდარია C ვიტამინით და ანტიოქსიდანტებით, ხელს უწყობს ისეთი სიმპტომების შემცირებას, როგორიცაა რესპირატორული დისტრესი და ქოშინი ასთმით დაავადებულ პაციენტებში. კივის დადებითი ეფექტი ასთმაზე უფრო მეტად შეინიშნება ბავშვებში.

• იცავს კუჭის ჯანმრთელობას.

ის მნიშვნელოვნად აფერხებს რეფლუქსის, წყლულების და გასტრიტის წარმოქმნას. ვინაიდან კივის თავისი თვისებების გამო ტუტე სტრუქტურა აქვს, ის ასევე ხელს უწყობს კუჭის ჯანმრთელობის დაცვას.

• გამოიყენება განწყობის აშლილობის დროს

კივი შეიცავს სეროტონინს, ბედნიერების ჰორმონს. ამ მიზეზით, კივის შეიძლება ჰქონდეს დამცავი ეფექტი დეპრესიისგან, ბედნიერების ჰორმონის გამოყოფის გამო.

• აძლიერებს იმუნიტეტს

C ვიტამინის ერთ-ერთი ყველაზე მნიშვნელოვანი ეფექტი არის იმუნიტეტის გაძლიერება.

• აქვს სისხლის გამწმენდი თვისება.

• ხელს უწყობს საჭმლის მონელებას

კივის საჭმლის მომნელებელი თვისება მოდის მისი ხსნადი და უხსნადი ბოჭკოებიდან. ხსნადი ბოჭკოები ხელს უწყობს სასარგებლო ბაქტერიების გამომუშავებას, რომლებიც აუცილებელია ნაწლავების ჯანსაღი ფუნქციონირებისთვის. უხსნადი ბოჭკოები ინარჩუნებს წყალს და ფართოვდება საჭმლის მონელების დროს, რაც აადვილებს დეფეკაციას. ის აჩქარებს საჭმლის მონელებას და უზრუნველყოფს ნაწლავის მოძრაობის რეგულირებას. ამ დიდი რაოდენობით ბოჭკოვანი ხილის რეგულარულად მოხმარება ხელს უშლის შეკრულობას.

• კარგია გულისთვის

ანტიოქსიდანტები, კალიუმი და ბოჭკოები მნიშვნელოვან როლს თამაშობენ გულის ჯანმრთელობაში. კალიუმი ხელს უწყობს სისხლძარღვების მოდუნებას და არტერიული წნევის სტაბილიზაციას. კივი, რომელიც დაბალკალორიული ხილია, კარგი ქოლესტერინის ამაღლების ეფექტი აქვს.

ის მნიშვნელოვანია გულ-სისხლძარღვთა ჯანმრთელობისთვის მისი სისხლის გამათხელებელი ეფექტით.

• აქვს დამცავი ეფექტი კიბოს წინააღმდეგ

ბოჭკოვანი სტრუქტურის წყალობით კივის შეუძლია წვლილი შეიტანოს მსხვილი ნაწლავის კიბოს პროფილაქტიკაში.

• ხელს უწყობს წონის დაკლებას

კივი, რომელიც შეიცავს 61 კალორიას 100 გრამზე, სრული დიეტური საკვებია. რეკომენდებულია მისი დამატება თქვენს კვების რაციონში, განსაკუთრებით ბოჭკოების გამო. კივი დაგეხმარებათ წონის დაკლებაში. გარდა ამისა, ბოჭკოები ხელს უწყობს სისხლში შაქრის დაბალანსებას.

• აახალგაზრდავებს კანს

კივი კანისთვის ჯანსაღი ხილია. კანში კოლაგენის ქსოვილის გაზრდით, ის ხელს უწყობს კანის გამკვრივებას და აღმოფხვრის დაბერების ნიშნებს. ასევე ეფექტურია კანის ტენიანობის ბალანსის შესანარჩუნებლად.

ის ხელს უწყობს კანზე დაბერების ნიშნების შემცირებას.

• მატებს თმას ჯანმრთელობას

C და E ვიტამინების შემცველი კივი თმის ცვენისგან დამცავი ხილია. მაგნიუმი, კალიუმი და თუთია აჩქარებს სისხლის მიმოქცევას და ხელს უწყობს თმის ზრდას.

• კარგია თვალისთვის

კივის შემადგენლობაში შემავალი ეფექტური ნივთიერებები ხელს უწყობს თვალის დაავადებების თავიდან აცილებას და მხედველობის გაუმჯობესებას.

• მნიშვნელოვანია ორსულობის დროს კვებაში

ორსულებისთვის კივი სასარგებლოა ფოლიუმის შემცველობის გამო.

• იცავს ძვლების ჯანმრთელობას

კივი იცავს ძვლების ჯანმრთელობას K ვიტამინის, ასევე კალციუმის და ფოსფორის შემცველობის გამო. კივი უნდა დაემატოს კვების რაციონს, რათა თავიდან აიცილოთ ოსტეოპოროზი.

• ებრძვის ანთებას

კივი ეფექტურია ანთების სამკურნალოდ. ასევე ცნობილია, რომ ამცირებს სახსრების ტკივილთან დაკავშირებულ ანთებას.

• უზრუნველყოფს წყლით მხარდაჭერას

არ უნდა დაგვავიწყდეს, რომ ეს ხილი, რომელიც თითქმის 90 პროცენტით წყლისგან შედგება, მნიშვნელოვანია სხეულის ტემპერატურის შენარჩუნებაში, კანის დაზიანების შემცირებასა და საკვები ნივთიერებების მონელებაში.

შეგვიძლია ვთქვათ, რომ დღეში საშუალოდ 2 კივის მოხმარება საკმარისია ჯანმრთელობის მხრივ ყველა ამ დადებითი ეფექტის უზრუნველსაყოფად.

რა არის გასათვალისწინებელი კივის მოხმარებისას?

1. ალერგია: კივის ალერგიის მქონე ადამიანებს შეიძლება აღენიშოს ღებინება, გამონაყარი კანზე, ენის, პირის და ტუჩების ქავილი, სუნთქვის გაძნელება, სახის შეშუპება, თავბრუსხვევა და პანკრეასის შეშუპება.

2. თუ თქვენ იღებთ კალიუმიან პრეპარატებს, კალიუმი, რომელსაც მიიღებთ კივისთან ერთად, შესაძლოა ზედმეტი იყოს.

3. კივის მოხმარება, რომელიც K ვიტამინის ძლიერი წყაროა, შესაძლოა არ იყოს მიზანშეწონილი გულის დაავადებების მქონე პაციენტებისთვის, რომლებიც იყენებენ სისხლის გამათხელებელ საშუალებებს, რადგან ამან შეიძლება გაანეიტრალოს ამ პრეპარატების ეფექტი.

კივის მიღება შეგიძლიათ ექიმთან კონსულტაციის შემდეგ.