მაგნიტოგორსკში კორპუსის ჩამონგრევის შედეგად დაღუპულთა რიცხვი გაიზარდა

რუსეთში, ურალის რეგიონის ქალაქ,  მაგნიტოგორსკში მრავალსართულიან შენობაში ბუნებრივი აირის აფეთქების შედეგად ჩამონგრეული ბინიდან ამოყვანილი ცხედრების რიცხვი 37-მდე გაიზარდა. მაგნიტოგორსკში 10 სართულიან კორპუსში ბუნებრივი აირის აფეთქება 31 დეკემბერს დილის საათებში მოხდა. საგანგებო სიტუაციების სამინისტროდან გავრცელებული ინფორმაციის თანახმად, ამ დროისათვის ნანგრევებიდან 37 ადამიანის გვამი გამოიტანეს.  ადგილზე სამძებრო-სამაშველო სამუშაოები გრძელდება.