თავდასხმა უკრაინელ დეპუტატზე

უკრაინაში, რადიკალური პარტიის დეპუტატ იგორ მოსიიჩუკზე თავდასხმა მოხდა, რასაც ერთი ადამიანი ემსხვერპლა.

მოტოციკლეტზე დამონტაჟებული ბომბის აფეთქებით განხორციელებული თავდასხმის დროს თავად დეპუტატი კი დაიჭრა.

დეპუტატის Facebook-ის გვერდზე გაკეთებულ განცხადებაში ნათქვამია: „იგორ მოსიიჩუკზე თავდასხმა მოხდა. აფეთქება სატელევიზიო არხ Espresso-დან გამოსვლის დროს მოხდა. იგორ მოსიიჩუკი დაშავდა და იგი საავადმყოფოშია გადაყვანილი.“

კიევის პოლიციის პრესსპიკერმა ოქსანა ბლიშჩიკმა სოციალური ქსელით გაკეთებულ განცხადებაში აღნიშნა, რომ სატელევიზიო არხ Espresso-ს ახლოს მომხდარო აფეთქებისას დაშავებულები სასწრაფოდ გადაიყვანეს საავადმყოფოში.

პირველადი მონაცემებით დაჭრილებიდან ერთი გზაში გარდაიცვალა, დანარჩენი სამის მდგომარეობა ჯერ-ჯერობით დაზუსტებული არ არის.