ბრიტანული სამხედრო თვითმფრინავები 2 რუსული თვითმფრინავის წინააღმდეგ აფრინდა

ბრიტანული სამხედრო თვითმფრინავები შოტლანდიის ჩრდილოეთით მყოფი 2 რუსული თვითმფრინავის წინააღმდეგ აფრინდა

ბრიტანეთის სამეფო საჰაერო ძალების (RAF) საბრძოლო თვითმფრინავებმა Eurofighter Typhoon-მა უპასუხეს შოტლანდიის ჩრდილოეთით მფრინავ რუსეთის საზღვაო საპატრულო და ბომბდამშენ თვითმფრინავს „ტუპოლევ ტუ-142“-ს და მიჰყვნენ მათ გავლას.

ბრიტანეთის თავდაცვის სამინისტროს განცხადებით, ბრიტანეთის სამეფო საჰაერო ძალების თვითმფრინავები Eurofighter Typhoon-ი, აფრინდნენ მას შემდეგ, რაც ორი რუსული თვითმფრინავი გამოჩნდა შოტლანდიის შეტლანდის კუნძულების ჩრდილოეთით, რომელიც ნატოს ჩრდილოეთ საკონტროლო პუნქტზე მდებარეობს.

განცხადებაში, სადაც ნათქვამია, რომ შოტლანდიაში, ლოსიმუთის ბაზიდან აფრენილი თვითმფრინავები თან ახლდნენ რუსული თვითმფრინავების გავლას საერთაშორისო საჰაერო სივრცეში, ასევე მოცემულია ბრიტანეთის შეიარაღებული ძალების სახელმწიფო მინისტრის ჯეიმს ჰეპეის შეფასებები.

მან აღნიშნა, რომ ამ ბაზაზე არსებული თვითმფრინავები მუდმივად აკონტროლებენ ბრიტანეთის საჰაერო სივრცეს. ”Typhoon-ის მფრინავები აფრინდნენ, რათა შეეჩერებინათ ორი შორი მანძილის რუსული ბომბდამშენი ამ დილით. ისინი აკვირდებოდნენ მათ გავლას შეტლანდის ჩრდილოეთიდან, მზად იყვნენ დაპირისპირებოდნენ ბრიტანეთის ტერიტორიის წინააღმდეგ ნებისმიერ პოტენციურ საფრთხეს“ - თქვა ჰეპეიმ.

სახელმწიფო მინისტრმა ასევე თქვა, რომ მომარაგების თვითმფრინავი თან ახლდა Eurofighter Typhoon-ის თვითმფრინავებს, რათა მისია უფრო დიდხანს გაგრძელებულიყო.

Eurofightre Typhoon-ის თვითმფრინავის პილოტმა ასევე აღნიშნა, რომ ორ რუსულ თვითმფრინავს მიჰყვნენ მანამ, სანამ არ დატოვეს დიდი ბრიტანეთის საკონტროლო ზონა.

სამინისტროს განცხადებაში ნათქვამია, რომ ლოსიმუტის ბაზის მფრინავები ნატოს 4 თვიანი მისიის ფარგლებში ესტონეთში იმყოფებოდნენ და ამ პერიოდში რუსული თვითმფრინავების წინააღმდეგ 50 ჩამჭრელი ფრენა განახორციელეს.

ხაზგასმით აღინიშნა, რომ დიდი ბრიტანეთის საჰაერო კონტროლის ზონაში შესულმა რუსულმა სამხედრო თვითმფრინავებმა შეიძლება საფრთხე შეუქმნან სხვა თვითმფრინავებს, რუსული თვითმფრინავი არ დაუკავშირდა საჰაერო მოძრაობის საკონტროლო პუნქტს და არ გამოაქვეყნა კოდები, რომლებიც მათ ხილვის საშუალებას იძლევა.

ივნისში, ბრიტანული სამხედრო თვითმფრინავები, ნორვეგიის სამეფო საჰაერო ძალების ნაწილებთან ერთად, აფრინდნენ რუსული თვითმფრინავების ჩრდილოეთ ზღვიდან ბრიტანეთის საჰაერო სივრცეში შესვლის პოტენციალის წინააღმდეგ და ჩაჭრა გააკეთეს.