გერმანიის კანცლერს შეიძლება დიდ ოციანთა სამიტზე დააგვიანდეს

გერმანიის კანცლერის, ანგელა მერკელის სამთავრობო თვითმფრინავმა, რომელიც არგენტინის დედაქალაქ ბუენოს აირესში მიფრინავდა, სადაც G20-ის სამიტი უნდა ჩატარდეს, ტექნიკური ხარვეზის გამო იძულებითი საგანგებო დაშვება განახორციელა ქალაქ კიოლნის აეროპორტში.

გერმანული მას-მედია იტყობინება, რომ ამ სამთავრობო თვითმფრინავს ქვეყნის კანცლერი ანგელა მერკელი და ფინანსთა მინისტრი ოლაფ შოლცი არგენტინაში გადაჰყავდა რა, ელექტრონულ სისტემაში წარმოქმნილი ხარვეზის გამო, კიოლნი-ბონის აეროპორტში დაეშვა.

ანგელა მერკელი და მისი დელეგაცია არგენტინაში სხვა თვითმფრინავით ჩავა, თუმცა, გავრცელებული ინფორმაციებით, შესაძლოა მათ სამიტზე დაგვიანონ.