ბელგიაში სამსახურში ველოსიპედით მოსიარულეები ფულს მიიღებენ

ბელგიაში სამსახურში ველოსიპედით მოსიარულეები ფულს მიიღებენ.

ბელგიაში, შრომის ეროვნული საბჭოს ფარგლებში დამსაქმებლებსა და მუშაკთა წარმომადგენლებს შორის შეთანხმებით, სავალდებულო გახდა ველოსიპედის შემწეობის მიცემა მათთვის, ვინც სამსახურში ველოსიპედით მიდის.

მის მიხედვით, 1 მაისიდან დასაქმებულები სამსახურში ველოსიპედით მისვლის შემთხვევაში დამსაქმებლებისგან მიიღებენ 0,27 ევროს ოდენობით ყოველ ერთ კილომეტრზე. ეს თანხა გათავისუფლდება გადასახადებისგან.

დასაქმებულის ყოველდღიური ველოსიპედის შემწეობა არ შეიძლება აღემატებოდეს 40 კილომეტრს. ამრიგად, ველოსიპედის შემწეობა დღეში 10,8 ევრომდე შეიზღუდება.

ამ დრომდე დამსაქმებლებს შეეძლოთ გადაეწყვიტათ ველოსიპედის შემწეობის მიცემის საკითხი. დამსაქმებელთა თითქმის 30 პროცენტი ფულს უხდიდა თანამშრომლებს, რომლებიც ველოსიპედს იყენებდნენ, სახლსა და სამუშაო ადგილს შორის მანძილის მიხედვით.

ახალი შეთანხმებით, მოსალოდნელია, რომ ქვეყანაში ველოსიპედების გამოყენება უფრო ფართოვდება.