Türkiyә mәtbuatı: 26 aprel 2022
Türkiyә mәtbuatında dәrc olunan bәzi xәbәrlәrin xülasәsi.
Türkiyә mәtbuatında dәrc olunan bәzi xәbәrlәrin xülasәsi.
‘‘Sabah’’: Rәcәb Tayyib Әrdoğan Co Baydenin 1915-ci il hadisәlәri ilә bağlı açıqlamasına reaksiya göstәrib
Türkiyә prezidenti Rәcәb Tayyib Әrdoğan Amerika Birlәşmiş Ştatları prezidenti Co Baydenin 1915-ci il hadisәlәri ilә bağlı açıqlamasına teaksiya göstәrәrәk deyib: ‘‘Co Bayden ermәnilәrlә bağlı tarixi bilmәlidir.Biz Baydeni ermənilərlə bağlı tarixi bilmədən Türkiyəyə meydan oxumağa çalışmasını bağışlaya bilmərik’’.
‘‘Hürriyet’’: Antonio Quterreş prezident Rәcәb Tayyib Әrdoğana tәşәkkür edib
Türkiyә prezidenti Rәcәb Tayyib Әrdoğan Birlәşmiş Millәtlәr Tәşkilatının Baş katibi Antonio Quterreşlә görüşüb. Görüşdә Rusiya-Ukrayna müharibәsi müzakirә olunub. Antonio Quterreş Әrdoğana göstәrdiyi sәylәrә görә tәşәkkür edib.
‘‘Haber Türk’’: Braziliya Latın Amerikasındakı әn böyük tәrәfdaşımızdır
Braziliyada rәsmi sәfәrdә olan Türkiyәnin xarici işlәr naziri Mövlud Çavuşoğlu bu ölkәnin Türkiyәnin Latın Amerikasındakı әn böyük tәrәfdaşı olduğunu ifadә edib. Mövlud Çavuşoğlu bu çәrçivәdә Braziliya ilә turizm sahәsindә әmәkdaşlığı güclәndirmәk istәdiklәrini bildirib.
‘‘Star’’: Hulusi Akar: ‘‘Sәrhәd xәttini kilidlәyәcәyik
Türkiyәnin milli müdafiә naziri Hulusi Akar ‘‘Pәncә Kilid’’ әmәliyyatı nәticәsindә bu günәdәk 56 terrorçunun zәrәrsizlәşdirildiyini ifadә edib. Hulusi Akar deyib: ‘‘Әmәliyyatımız böyük müvәffәqiyyәtlә, planlaşdırılan şәkildә davam edir. Әmәliyyatımızın müvәffәqiyyәtli şәkildә sona çatdırılması ilә sәrhәd xәttini kilidlәyәcәyik. Terrorçuların sәrhәdimizә daxil olması mümkün olmayacaq’’.
‘‘Yeni Şafak’’: Türkiyәdә oyun bazarı böyüyür
‘‘Gaming in Turkey’’ agentliyinin rәhbәri Ozan Aydemir Türkiyә Oyun Sektoru 2021 hesabatı ilә bağlı verdiyi bәyatanda Türkiyənin oyun sektorundakı payının 1 milyard 200 milyon dollara yüksəldiyini və rəqəmsal oyunların sayının artdığını bildirib.