Parlament seçkilǝri dünya mǝtbuatının da gündǝmindǝ olub

Hǝm ABŞ, hǝm dǝ Avropa mǝtbuatı seçkilərin nǝticǝlǝrini Әdalǝt vǝ İnkişaf Partiyasının qǝlǝbǝsi kimi dǝyǝrlǝndirdi.
ABŞ mǝtbuatında yer alan xǝbǝrlǝrdǝ Әdalǝt vǝ İnkişaf Partiyasının qazandığı sǝs nisbǝtinǝ toxunularaq hakimiyyǝtdǝ olan partiyanın mövqeyini güclǝndirdiyi qeyd edilib.
“Associadet Press” xəbər agentliyi TRT-nin seçki nǝticǝlǝrinǝ istinad edǝrǝk, hakimiyyǝtdǝ olan Әdalǝt vǝ İnkişaf Partiyasının nǝzǝrǝçarpacaq qǝlǝbǝ qazanmasına diqqǝt çǝkib.
“Washington Post” isǝ Әdalǝt vǝ İnkişaf Partiyasının bir daha tǝkbaşına hökumǝti formalaşdıra bilǝcǝyini bildirib.
“Wall Street Journal”- da Әdalǝt vǝ İnkişaf Partiyasının seçicilǝrin yarısının sǝsini qazandığını bildirǝrǝk, Parlamentdǝ ǝksǝriyyǝti ǝldǝ etdiyini, bu nǝticǝlǝrǝ görǝ Dövlǝt başçısı Әrdoğanın gücünün daha da artdığını vurğulayıb.
“New York Times” qǝzeti dǝ seçki nǝticǝlǝrinin Türkiyǝdǝ tǝk partiya hökumǝtinin vǝ Әrdoğanın siyasi hakimiyyǝtinin davam edǝcǝyinin siqnalları olaraq dǝyǝrlǝndirib.
Әdalǝt vǝ İnkişaf Partiyasının seçki qǝlǝbǝsi Avropa mǝtbuatının da gündǝmindǝ öz yerini tutub.
BBC kritik seçkidǝn Әdalǝt vǝ İnkişaf Partiyasının ǝksǝriyyǝtin sǝsini qazanaraq qələbə ilə çıxdığını qeyd edib.
İngiltǝrǝdǝ dǝrc olunan “The Guardian” qǝzeti isǝ yeni konstitusiya mǝsǝlǝsinǝ toxunaraq Әdalǝt vǝ İnkişaf Partiyasının konstitusiyaya dǝyişiklik edǝcǝk ǝksǝriyyǝtǝ yaxın olduğunu ifadǝ edib.
Fransız “Le Monde” qǝzeti Әdalǝt vǝ İnkişaf Partiyasının seçkidǝ böyük uğur qazanaraq Parlamentdǝ mütlǝq ǝksǝriyyǝti ǝldǝ etdiyini yazdıqda, “Le Figaro” qǝzeti Dövlǝt başçısı Әrdoğanın möhrünü vurduğu seçkilǝrdǝ Әdalǝt vǝ İnkişaf Partiyasının ǝksǝriyyǝtin sǝsini toplayaraq qǝlǝbǝ qazandığını qeyd edib.
Almaniyanın Sǝsi Radiosu seçkilǝrin Әdalǝt vǝ İnkişaf Partiyasının qǝlǝbǝsilǝ nǝticǝlǝndiyini vǝ partiyanın tǝkbaşına hökumǝti formalaşdıracaq üstünlüyü ǝldǝ etdiyini bildirib.
Әdalǝt vǝ İnkişaf Partiyasının seçki qələbəsi Orta Şǝrq mediasında da öz ǝksini tapıb.
Әl Cǝzirǝ televiziyası iyunun 7-də keçirilən seçkilǝrindǝn sonra baş tutan növbǝdǝnkǝnar parlament seçkilǝrindǝ Әdalǝt vǝ İnkişaf Partiyasının ǝksǝriyǝtin sǝsini qazandığını elan edib.