"İnsana dǝyǝr vermǝyǝn heç bir ölkǝ inkişaf etmǝmişdir"

Dövlǝt başçısı Rǝcǝb Tayyib Әrdoğan paytaxt Ankarada keçirilǝn “Qadın İşçilǝr Böyük Qurultayı”nda çıxış edib.
O deyib ki, insana dǝyǝr vermǝyǝn heç bir ölkǝni inkişaf etmiş ölkǝ kimi qǝbul etmirǝm. İnkişaf etmǝk mǝzluma yiyǝ durmaqdır. Qǝrbli ölkǝlǝrǝ sǝslǝnǝrǝk deyirǝm ki, qadın haqlarından danışırsınız ancaq mǝnim ölkǝmǝ sığınan vǝ İraqdan 2 milyon insanın haqları barǝdǝ indiyǝdǝk hansı işlǝri gördünüz, hansı addımları atırsınız?
Әrdoğan bunları da deyib ki, qadın ilǝ kişi arasında anadangǝlmǝ fǝrqlǝri dilǝ gǝtirmǝk qadına qarşı ayrı-seçkilik deyil ǝksinǝ onun haqlarının qorunmasının, mühafiǝ edilmǝsinin zǝmanǝtidir.
Digǝr tǝrǝfdǝn, Dövlǝt başçısı Әrdoğanın, 8 Mart Beynǝlxalq Qadınlar Günü münasibǝti ilǝ yazdığı mǝqalǝ dǝ bir jurnalda dǝrc olunub.
Әrdoğan mǝqalǝsindǝ bunları deyib, Yeni Türkiyǝdǝ ǝsas haqlar vǝ mǝsuliyyǝtlǝr baxımından kişi vǝ qadın arasında hǝr hansı fǝrq ya da ayrı-seçkilik olmayacaqdır. Qadınlarımızın ǝdalǝtli vǝ bǝrabǝr hüquqlu ǝsaslar çǝrçivǝsindǝ, ailǝlǝrinǝ vǝ ölkǝlǝrinǝ dayaq olacaqları, üzǝrlǝrinǝ mǝsuliyyǝt götürǝcǝklǝri, uğurlu şǝkildǝ hǝr kǝs tǝrǝfindǝn tǝqdir edilǝcǝklǝri Yeni Türkiyǝdǝ, qadını ilǝ kişisi ilǝ heç kǝs ayrı-seçkiliyǝ mǝruz qalmayacaq.