Nigeriyada Lassa qızdırmasından ölәnlәrin sayı 168 nәfәrә çatıb
Bu barәdә ölkәnin Xәstәliklәrә Nәzarәt Mәrkәzi mәlumat yayıb.
Qәrbi Afrika ölkәsi olan Nigeriyada Lassa qızdırmasından dünyasını dәyişәnlәrin sayı 168 nәfәrә çatıb.
Bu barәdә ölkәnin Xәstәliklәrә Nәzarәt Mәrkәzi mәlumat yayıb. Mәlumata görә, yanvar ayından etibarәn Lassa qızdırmasına yoluxanların sayı 889 nәfәrә çatıb.
Eyni dövrdә 168 adam ölüb. Son bir hәftәdә Lassa qızdırmasından ölәnlәrin sayı 3-ә, yoluxanların sayı isә 9-a çatıb.
Nigeriya hökumәti xəstəliyin müalicәsi ilә әlaqәdar üç dәrmanın müәyyәn edildiyini açıqlamışdı.
Xatırladaq ki, ölkәdә keçәn il Lassa qızdırmasından 102 nәfәr ölmüşdü, daha 674 nәfәr virusa yoluxmuşdu.
Qeyd edәk ki, Mali, Toqo, Qana, Liberiya, Sierra Leone kimi ölkәlәrdә yayılan Lassa qızdırması Nigeriyada ilk dәfә 1969-cu ildә ölkәnin Borno әyalәtindә qeydә alınmışdı.
Nigeriya hökumәti 2019-cu ilin 23 yanvar tarixindә Lassa qızdırması sәbәbindәn fövqәladә vәziyyәt elan etmişdi.
Qeyd edәk ki, Lassa qızdırması heyvandan insana keçir, xəstəlik ölümcül ola bilər.
