İndoneziyada zәlzәlә nәticәsindә bir nәfәr hәlak olub
İndoneziyanın Yava adası sahilində 6,8 maqnituda gücündə zəlzələnin baş verməsi nəticəsində 1 nəfər ölüb, daha 4-ü xəsarət alıb.
![İndoneziyada zәlzәlә nәticәsindә bir nәfәr hәlak olub](http://cdn.trt.net.tr/images/xlarge/rectangle/e334/bc50/7ab2/5c32f2c3b2a18.jpg?time=1718942397)
İndoneziyanın Yava adası sahilində 6,8 maqnituda gücündə zəlzələnin baş verməsi nəticəsində 1 nəfər ölüb, daha 4-ü xəsarət alıb.
Bu barədə yerli Təbii Fəlakətlərə Nәzarәt Agentliyi mәlumat yayıb.
Məlumata görə, ölüm hadisəsi Lebak dairəsində qeydə alınıb.
Zəlzələ nəticəsində Banten və Qərbi Yava əyalətlərində 113 bina dağılıb, hәmçinin çox sayda binanın vә xәstәxananın da ciddi zәrәr gördüyü bildirilib.
Tәbii fәlakәt nәticәsindә 50 nәfәrin dә müvәqqәti düşәrgәlәrә sığındığı bildirilib.
Təbii fəlakətdən sonra hökumət sunami barədə təcili xəbərdarlıq etmişdi.
Amerika Birlәşmiş Ştatlarının Geoloji Araşdırma Mәrkәzi yeraltı təkanların episentrinin Tuku-Hiller şəhərindən 105 km uzaqlıqda, ocağının isә 42,8 km dərinlikdə yerləşdiyini açıqlamışdı.