İsrail parlamenti Fələstində inşaatını qanuniləşdirdi, amma…

  İsrail parlamenti Fələstin torpaqlarında yəhudi yaşayış məskənlərinin inşaatı üçün hazırladığı qanun layihəsini təsdiqlədi.

  İsrail parlamenti Knesset İordan çayının qərb sahillərində (Qərbi Şəriyə) qeyri-qanuni olaraq inşa edilmiş minlərlə yəhudi yaşayış məskəninin qanuniləşməsini nəzərdə tutan layihəni təsdiqləyib. Qanun layihəsi 52-yə qarşı 60 səslə qəbul edilib, 8 millət vəkili isə səsverməyə qatılmayıb.

  Beynəlxalq hüquqa görə, bu bölgələrdə tikilən bütün yəhudi yaşayış məskənləri qeyri-qanuni hesab edilir.

  Xatırladaq ki, Şərqi Qüds və İordan çayının qərb sahilləri 1967-ci ildən İsrail tərəfindən işğal olunub. Şərqi Qüdsdə 200 min, İordan çayının qərb sahilində isə 400 mindən çox yəhudi yerləşdirilib.