Messinin 500-cü qolu

İspaniyanın "Barselona" klubunun argentinalı futbolçusu Lionel Messi oynadığı klubun heyətində  500-cü qolunu vurub.

 Messi 500-cü qolunu İspaniya çempionatının 11-ci turu  çərçivəsində "Sevilya" ilə oyunda vurub.

Kataloniya klubunun heyətində 592-ci matçını keçirən L.Messi 43-cü dəqiqədə yubiley qoluna imza atıb.

Qeyd edək ki, "Sevilya"nı səfərdə 2:1 hesabı ilə məğlub edən "Barselona" 25 xalla turnir cədvəlinin ikinci pilləsində qərarlaşıb.