Çində torpaq sürüşməsi nəticəsində 10 nəfər ölüb

Çində şiddətli yağışlar səbəbindən baş verən torpaq sürüşməsi nəticəsində 10 nəfər ölüb, 13-si isə itkin düşüb.

Çinin Guangşi Cuang müxtar bölgəsi, Hunan, Guicou və Guangdong əyalətlərində yağan şiddətli yağışların əmələ gətirdiyi sel min 400 evi dağıdıb.

Sel suları təxminən 20 min hektar kənd təsərrüfatı sahəsinə də ziyan vurub.

Ümumilikdə, bölgəyə 42 milyon dollar məbləğində ziyan dəyib.

Bölgədə axtarış xilasetmə işləri davam edir.