Obama Netanyahu ilǝ görüşüb

ABŞ prezidenti Barak Obama İsrailin Baş naziri Binyamin Netanyahu ilǝ Ağ Evdǝ görüş keçirib.
Obama vǝ Netanyahu görüşdǝ Orta Şǝrqdǝ sülh prosesi, Suriya vǝ İranla bağlı mövzuları müzakirǝ ediblǝr.
İki lider görüşdǝn ǝvvǝl jurnalistlǝrǝ açıqlama verib.
Netanyahudan başqa tez-tez görüşdüyü başqa bir xarici lider olmadığını vurğulayan Obama bildirib ki, bu, ABŞ ilǝ İsrail arasındakı fövqǝladǝ ǝlaqǝlǝrin göstǝricisidir.
Görüşdǝ fǝlǝstinlilǝr vǝ İsraillilǝr arasındakı gǝrginliyin necǝ aradan qaldırılacağı vǝ sülh prosesinǝ yenidǝn necǝ qayıdılacağı mǝsǝlǝsini müzakirǝ edǝcǝklǝrini bildirǝn Obama deyib:” görüşdǝ fǝlǝstinlilǝrin qanuni istǝklǝrinin siyasi bir proses daxilindǝ necǝ yerinǝ yetirilǝcǝyi dǝ müzakirǝ olunacaq.
İsrailin baş naziri Binyamin Netanyahu da öz növbǝsindǝ bildirib ki, Orta Şǝrqdǝ son dövrdǝki qarışıqlıq vǝ terror hadisǝlǝri iki ölkǝ arasındakı ǝmǝkdaşlığın daşıdığı ǝhǝmiyyǝti ortaya qoydu.
“Sülh ümidimizi itirmǝdiyimizi açıq şǝkildǝ ifadǝ etmǝk istǝyirǝm. Ayrıca iki xalq üçün iki dövlǝtli, tǝrki-silah olmuş vǝ Yǝhudi dövlǝtini tanıyan bir Fǝlǝstin dövlǝti yaranmasına dair sülh düşüncǝmiz davam edir” –deyǝ Netanyahu vurğulayıb.