Lufthansada pilotların tǝtil qǝrarı bugündǝn başlayıb

Almaniya hava yolu şirkǝti “Lufthansa”da işlǝyǝn pilotlar uzun müddǝt davam edǝn müzakirǝlǝr nǝticǝsindǝ 13-cü dǝfǝ yenǝ tǝtil qǝrarı alıb.
Almaniyada pilotlara aid hǝmkarlar ittifaqı Kokpit(Cockpit) tǝtil qǝrarı bu gün sǝhǝr saat 08.00-da başlayıb çǝrşǝnbǝ günü gecǝ yarısınadǝk davam edǝcǝyini açıqlayıb.
Hǝmkarlar ittifaqının tǝtil qǝrarına göstǝrdiyi sǝbǝblǝr arasında ilk növbǝdǝ mǝzǝnnǝ şǝrtlǝrini yaxşılaşdırma barǝsindǝ irǝli sürdüklǝri tǝklifla “Lufthansa”nın maraqlanmaması göstǝrilir. Ayrıca hǝmkarlar ittifaqı hava yolu şirkǝtinin inkişaf vǝ mǝşğulluq üçün ortaq hǝll yolu axtarmadığı barǝdǝ iddia irǝli sürür.
“Lufthansa” vǝ hǝmkarlar ittifaqı arasındakı digǝr problem isǝ pilotların tǝqaüdǝ çıxma yaşıdır.
Alman hava yolu şirkǝti hazırda 55 olan pilotların erkǝn tǝqaüdǝ çıxma yaşını yüksǝltmǝk istǝyir.
Qeyd edǝk ki, tǝtil qǝrarı xarici sǝfǝrlǝrlǝ yük daşıma nǝqliyyatına tǝsir edǝcǝk.