Merkel Vaşinqtonda sǝfǝrdǝdir

Almaniya kansleri Angela Merkelin ABŞ-a sǝfǝrinin ǝsasını Ukrayna böhranı tǝşkil edib.
ABŞ prezidenti Barak Obama mǝsǝlǝnin diplomatik hǝll yolu tapılmayacağı tǝqdirdǝ, silah yardımının bir variant ola bilǝcǝyini söylǝyib.
Obama bildirib ki, bu barǝdǝ hǝlǝ bir qǝrar qǝbul edilmǝsǝ dǝ, silah yardımının mǝqsǝdi Ukraynanı hücum edǝcǝk mövqeyǝ gǝtirmǝk deyil. Mǝqsǝd bu ölkǝnin müdafiǝsinǝ yardım etmǝkdir.
Diplomatik sǝylǝrin davam edǝcǝyini vurğulayan Obama deyib ki, silahlarla Avropanın sǝrhǝdlǝrinin yenidǝn müǝyyǝn edilmǝsinǝ icazǝ vermǝrik. Rusiya verdiyi sözlǝrǝ ǝmǝl edǝnǝ qǝdǝr bu ölkǝyǝ sanksiyalar davam edǝcǝk.
Merkel isǝ problemin mәhz diplomatik hǝll yolununun tәrәfdarı kimi mövqeyindә israrlıdır.
Ukraynada atǝşkǝs ehtimalının olduğuna diqqǝt çǝkǝrǝk bu barǝdǝki ümidini dilǝ gǝtirǝn Merkel bildirib ki, bütün tǝrǝflǝrin hazır vǝ müzakirǝ edilmiş bir razılığa istǝkli olub olmadığını görǝcǝyik.
Daha öncǝ ölkǝsinin Ukraynaya silah yardımı etmǝyǝcǝyini açıqlayan Merkel, ABŞ vǝ Avropanın sanksiyalar vǝ diplomatik tǝşǝbbüslǝr mövzusunda birgǝ fǝaliyyǝtlǝrini davam etdirdiklǝrinǝ dǝ diqqǝt çǝkib.