"Almaniyada ayrı-seçkilik yaşanır, buna son qoyulmalıdır"

Köç, mühacirlǝr vǝ İnteqrasiyadan mǝsul Dövlǝt naziri Aydan Özoğuz, Almaniyada köç etmiş insanlardan ibarǝt bir cǝmiyyǝt olduğunu, ölkǝ miqyasında hǝr kǝsǝ bǝrabǝr imkan tanınmasının vacibliyini dilǝ gǝtirib.
Almaniyanın paytaxtı Berlindǝ 7-ci İnteqrasiya zirvǝsi keçirilib.
Almaniya kansleri Angela Merkelin başçılığında keçirilǝn zirvǝnin ǝsas gündǝm maddǝsi mühacir gǝnçlǝrǝ iş tapmaq imkanı olub.
Merkel, toplantıdan sonra vǝrdiyi açıqlamada, xüsusilǝ peşǝ sahibi olunması barǝdǝ erkǝn yaşlarda müşavirlik xidmǝtlǝri ilǝ mühacir gǝnçlǝrǝ yardım edilmǝsi mǝsǝlǝsinǝ toxunub.
Merkel bildirib ki, mühacir gǝnçlǝrǝ tǝhsil alaraq peşǝ sahibi olmaları üçün imkan yaradılmalıdır, bununla yaşanı iş yǝrlǝrinin üzǝrinǝ dǝ ciddi mǝsuliyyǝtlǝr düşür. Bu gǝnçlǝrin cǝmiyyǝtǝ inteqrasiyası üçün hǝr kǝs ǝlindǝn gǝlǝni etmǝlidir.
Türk mǝnşǝli mühacirlǝrin Almaniya vǝ Türkiyǝ arasında körpü olduğuna işarǝ edǝn Merkel, ali tǝhsilini Almaniyada başa vurub Türkiyǝyǝ qayıdan gǝnclǝrin dǝ, iki ölkǝ arasındakı ticari ǝlaqǝlǝrǝ qatqısının olduğunu ifadǝ edib.